Pédáesh 9:6 - Hodáay Pákén Ketáb Balochi zobáná

⁶ Harkas ensánéay hóná beréchit, áiay hón ham ensánéay dastá réchaga bit, chéá ke Hodáyá ensán wati sheklá addh kortag.

Pédáesh 9:6 Iomraidhean Croise

Pédáesh 4:14

maróchi taw maná cha é sarzeminá gallénay. Man cha tai bárgáhá gára bán. Jaháná darpadar o béáráma bán o harkas ke gón man dhikk bwárt, maná koshit.”

Pédáesh 42:22

Rubená gwasht: “Man wa shomárá gwasht ke hecchi makanét, bale shomá gósh nadásht. Nun márá áiay hónay hesáb dayagi ent.”

Pédáesh 5:1

Ádamay nasl o padréchay ketábi kessah chosh ent: Hodáyá á róchá ke ensán jórh kort, wati sheklá jórhi kort.

Zabur 51:4

Man tai helápá, tahná tai helápá gonáh kortag o hamá káron kortag ke tai chammá bad ent. Paméshká, taw ke habara kanay barhakk ay o dádrasiay wahdá béayb ay.

Dargwaz 20:13

Mardom makosh.

Mattá 26:52

Issáyá gón áiá gwasht: “Wati zahmá jotká kan. Á kas ke zahma kasshit, cha zahmá merit.

Pulosay kágad pa Rumián 13:4

Pa tai sharriá, hokumat Hodáay hezmatkár ent, bale agan badkária kanay, cha áiá betors chéá ke zahm mopt o bé sawab áiay dastá naent. Á Hodáay hezmatkár ent, sezá dayóké ke pa badkárán kahra kárit.

Ákub 3:9

Gón hamé zobáná wati Hodáwandén Petá satá kanén o gón hamé zobáná hamá mardomán nálata kanén ke Hodáyá wati shekl o dróshomá addh kortagant.

Elhám 13:10

“Á ke bandig bayagi ent, bandijáhá rawt. Á ke gón zahmá koshag bayagi ent, gón zahmá koshaga bit.” Eshiay tahá Hodáay palgártagén mardomán ópár o imánay zalurat ent.