Pédáesh 9:1 - Hodáay Pákén Ketáb Balochi zobáná

¹ Hodáyá Nuh o áiay chokk barkat dát o gwashtant: “Chokk o bar kanét o gésh bebét o donyáyá porr kanét.

Pédáesh 9:1 Iomraidhean Croise

Pédáesh 1:22

Hodáyá é sajjahén barkat dát o gwashtant: “Chokk o bar kanét. Gésh bayán bebét o daryáyán porr kanét. Báli morg ham zeminá sakk báz bebant.”

Pédáesh 1:28

Hodáyá á, barkat dát o gwashtant: “Chokk o bar kanét, báz bebét o zeminá porr kanét o zeminay sará hákemi bekanét. Daryáay máhig, ásmánay morg o zeminay sajjahén sorendaháni sará hákemi bekanét.”

Pédáesh 10:32

Nuhay mardénchokkáni kabilah, áyáni sar o bonay red o banday sará, áyáni kawmáni hesábá hamesh atant. Tuppáná rand cha hameshán sajjahén kawm zeminay sará sheng o tálán butant.

Pédáesh 2:3

Gorhá Hodáyá haptomi róch barkat dát, gisshént o pákén róch námént, chéá ke Hodáyá hamé róchá cha é sajjahén hastiay jórh kanagay kárá árám kort.

Pédáesh 24:60

Áyán Rebekká barkat dát o gwashtesh: “May gohár! Taw hazáráni hazár bátay. Tai nasl o padréch wati badwáháni shahráni master bátant.”

Pédáesh 35:11

Hodáyá gón Ákubá gwasht: “Man porwákén Hodá án. Chokk o bar kan o gésh bayán bay. Cha taw kawmé o kawmáni rombé pédá bit o bádsháh cha tai sréná pédá bant.

Pédáesh 8:17

Hamá sajjahén sahdár ke tai hamráh ant, dhanná baresh gón, báli morg o jánwar o sajjahén lápkasshán, tánke zeminay sará romb o ramag bekanant, chokk o bar bekanant o géshá gésh bebant.”

Pédáesh 9:19

É sayén Nuhay chokk atant o cha hameshán mardom sajjahén zeminay sará sheng o tálán butant.

Pédáesh 9:2

Zeminay sajjahén haywán, ásmánay sajjahén báli morg, sajjahén lápkassh o daryáay sajjahén máhig shomay tors o bimmay chérá bant. É sajjahén shomay dastá dayag butagant.

Pédáesh 9:7

Nun shomá, chokk o bar kanét o zeminay sará gésh bebét, zeminay sará sheng o tálán o géshá cha gésh bebét.”

Zabur 112:1

Hodáwandá benázénét, Halléluyá. Bahtáwar ent hamá ke Hodáwanday tors áiay delá ent, hamá ke áiay hokmi sakk báz dósta bant.