Pédáesh 8:21 - Hodáay Pákén Ketáb Balochi zobáná

²¹ Esháni wasshén bó ke Hodáwanday kerrá sar but, wati delá gwashti: “Man cha ed o rand hechbar zeminá ensánay sawabá nálata nakanán, bell toré cha kasániá áiay delay wáhag bad ant. Cha ed o dém hechbar sajjahén sahdárán é paymá hórigá gár o gomsára nakanán ke annun kortagon.

Pédáesh 8:21 Iomraidhean Croise

Pédáesh 3:17

Hodáyá gón Ádamá gwasht: “Taw wati janay habar gósh dásht o hamá drachkay bar wárt ke man tará hokm dátagat ke cha eshiá mawar, paméshká tai sawabá zemin nálati ent. Taw wati zenday sajjahén róchán pa sakki o sóri cha zeminá wati waráká kasshay.

Pédáesh 4:12

Wahdé zeminá kára kanay, zemin pa taw bara nayárit o taw, jaháná darpadar o béáráma bay.”

Pédáesh 5:29

Áiá wati chokk Nuh námént o gwasht: “É chokk márá cha may dastáni hamá gránén kár o zahmatán ásudaga kant ke cha Hodáay nálat kortagén zeminá chest butagant.”

Pédáesh 6:13

Gorhá Hodáyá gón Nuhá gwasht: “Man sajjahén mardomán tabáha kanán, chéá ke hamesháni sawabá zemin cha sheddatá porr ent. Man, esháni jendá gón zeminá hór, gár o gomsára kanán.

Pédáesh 6:17

Man donyáyá anchén hár o tuppáné kárán ke ásmánay chéray sajjahén sahdára merant, har sahdár ke dama kasshit, bérána bit. Harché ke zeminay sará hast, sajjahéna merant.

Pédáesh 6:5

Hodáwandá dist ke ensánay radkári zeminay sará sakk báz ant o sajjahén del o hayálesh modám gón badiá ent o bass.

Pédáesh 6:7

Gwashti: “Wati jórh kortagén ensáná cha zeminay sará gár o gomsára kanán. Mardomán, chárpádén haywánán, lápkasshén jánwarán o ásmánay báli morgán yakjáh gomsára kanán, chéá ke man cha esháni jórh kanagá padard án.”

Zabur 51:5

Pa rásti man mayárbár pédá butagán o cha hamá wahdá ke mátay lápá kaptán, gonahkár.

Zabur 58:3

Badkárán cha mátay lápá wati ráh gár dátag o cha pédáeshá gomráh o drógband ant.

Zabur 58:4

Áyán zahré mán ent chosh ke máray zahrá, syahmáréay dhawlá ant ke góshi bastagant o

Dargwaz 29:18

Sarjamén gwarándhá korbánjáhay sará sóch. É pa Hodáwandá sóchagi korbánigé bit, táhirbakshén washbóé o pa Hodáwandá ásjatén korbánigé.

Dargwaz 29:25

Nun é chizzán cha áyáni dastán bezur o korbánjáhay sará sóchagi korbánigay sará éresh kan o sóchesh. É Hodáwanday bárgáhá táhirbakshén washbóé o pa Hodáwandá ásjatén korbánigé.

Mattá 15:19

Chéá ke badén pegr o hayál, hón o kósh, zená, bénangi, dozzi, drógén sháhedi o kopr, cha delá chesta bant.

Yuhanná 3:6

Á chizz ke cha jesmá pédá bit, jesm ent o á chizz ke cha Ruhá pédá bit, ruh ent.

Pulosay kágad pa Rumián 1:21

Harchont ke Hodáesha zánt, bale Hodái ezzatesha nadát o shogresha nagept. Eshiay badalá, wati náhudagén pegr o hayáláni tahá gomráh butant o áyáni násarpadén del taháriá póshet.

Pulosay kágad pa Rumián 3:23

Parchá ke sajjahénán gonáh kortag o cha Hodáay shán o shawkatá dur ant,

Pa Pilipián Pulosay kágad 4:18

Maná har chizz rasetag o sakk báz rasetag. Gón Epápróditusá harché ke shomá dém dátag, maná rasetagant o nun maná har chizz hast. Shomay é théki washbóén shogránah o delpasondén korbánigé ke Hodáyá washnóda kant.

Yuhannáay Awali Kágad 5:19

Má zánén ke Hodáay chokk én o sajjahén donyá Shaytánay zór o wákay chérá ent.