Pédáesh 6:6 - Hodáay Pákén Ketáb Balochi zobáná

⁶ Hodáwand pashómán but ke man donyáyá ensán chéá jórh kort. Hodáwanday del sakk padard but.

Pédáesh 6:6 Iomraidhean Croise

Pédáesh 6:7

Gwashti: “Wati jórh kortagén ensáná cha zeminay sará gár o gomsára kanán. Mardomán, chárpádén haywánán, lápkasshén jánwarán o ásmánay báli morgán yakjáh gomsára kanán, chéá ke man cha esháni jórh kanagá padard án.”

Zabur 106:45

gón áyán wati ahd o karári yát kort o cha wati bázén mehrá, cha áyáni badián sar gwast.

Zabur 110:4

Hodáwandá sawgend wártag o pashómana nabit, ke: “Taw tán abad dini péshwáé ay, Malkisedikay hesábá.”

Zabur 119:158

Béwapáyáni némagá charán o maná cha eshán naprata bit, ke tai rahbandáni randgiriá nakanant.

Zabur 78:40

Gyábáná chinchok randá cha Hodáyá sarkashiesh kort, ódá áesh gamig kort.

Zabur 81:13

Drégatá mani kawmá mani habar gósh bedáshtén o Esráil, mani ráhá beshotén.

Zabur 95:10

Tán chel sálá cha á naslá bézár atán, gwashton: ‘É anchén mardom ant ke delesh gomráh ant o mani ráhána nazánant,’

Dargwaz 32:14

Hodáwandá erádah kortagat ke wati mahlukay sará baláhé dawra dayán, bale erádahi badal kort.

Pulosay kágad pa Rumián 11:29

Chéá ke Hodá wati thékiá pacha nagipt o wati gwánká pera natarrénit.

Ákub 1:17

Har nékén dád o har tamánén tohpah o théki cha borzá kayt, cha nur o rozhnay Petay némagá ke hechbar badala nabit o hecch tahári o sáhegéá áiay arwáh o jabiná ráh nést.