Pédáesh 49:25 - Hodáay Pákén Ketáb Balochi zobáná

²⁵ tai petay Hodáay barkatá, ke tará madata kant, porwákén Hodáay barkatá, ke tará barkata dant. Gón ásmánay barkatán, cha borzá, gón johlánkiay barkatán, cha jahlá o gón chokdán o gwaráni barkatán tará barkata dant.

Pédáesh 49:25 Iomraidhean Croise

Pédáesh 17:1

Ebrámá ke nawad o noh sál but, Hodáwand áiay démá záher but o gwashti: “Man porwákén Hodá án, mani ráhá beraw o pa bémayári zend begwázén.

Pédáesh 27:28

Hodá tará cha ásmánay nód o zeminay séri o hazgáriá béhesáb dán o tázagén sharáb bedayát.

Pédáesh 28:13

Hodáwand cha padánká borzter óshtátagat. Gwashti: “Man Hodáwand án, tai pet Ebráhémay Hodá o Esákay Hodá. É zeminay sará ke taw annun waptagay, man eshiá tará o tai nasl o padréchárá dayán.

Pédáesh 28:21

ke pa salámati per betarrán o wati petay lógá berasán, gorhá Hodáwand mani Hodá bit.

Pédáesh 28:3

Porwákén Hodá tará barkat bedayát o porsamar kanát. Tará géshá gésh kanát o taw kawmáni rombé bátay.

Pédáesh 32:9

Gorhá Ákubá dwá kort: “Oo mani pet Ebráhémay Hodá! Mani pet Esákay Hodá! Oo hamá Hodáwand ke gón man gwashtet: ‘Molká wati syádáni kerrá wátarr kan ke man tará sabz o ábáda kanán!’

Pédáesh 35:11

Hodáyá gón Ákubá gwasht: “Man porwákén Hodá án. Chokk o bar kan o gésh bayán bay. Cha taw kawmé o kawmáni rombé pédá bit o bádsháh cha tai sréná pédá bant.

Pédáesh 35:3

byáét Bayt-Élá rawén. Ódá man pa hamá Hodáyá korbánjáhé addha kanán ke sakki o sóriáni róchán mani dwái gósh dáshtag o har jáh ke shotagán, gón man gón butag.”

Pédáesh 43:23

Péshkárá gwasht: “Parwáh nést. Matorsét. Shomayg o shomay petay Hodáyá é ganj gónián mán kortag. Shomay nograh maná rasetagant.” Nun Shamuni áyáni kerrá áwort.

Pédáesh 48:3

Gón Issopá gwashti: “Porwákén Hodá Kanhánay molká, Luzay shahrá mani démá záher but. Maná barkati dát o

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Zabur 85:12

Béshakk, Hodáwand nékén chizza bakshit o may zemin áiay bar o samará kárit.

Dargwaz 18:4

Domi chokkay nám Élizer at, chéá ke Mussáyá gwashtagat ke mani petay Hodá mani madatkár butag o maná cha Perawnay zahmá rakkéntagi.

Mattá 6:33

Cha har chizzá pésar, Hodáay bádsháhi o áiay rástén ráhay shóházá bebét, é sajjahén wat shomárá dayaga bant.

Pa Pilipián Pulosay kágad 4:19

Mani Hodá shomay har zaluratá wati jenday porshawkatén mál o hastiay hesábá o Issá Masihay barkatá puraha kant.

Pa Timutáusá Pulosay awali kágad 4:8

Chéá ke jesmi tamrin bépáedag naent, bale Hodátorsiay páedag har hesábá báz ent ke pa annugén zendá ham Hodáay kawl o karári gón ant o pa áyókén zendá ham.