Pédáesh 49:24 - Hodáay Pákén Ketáb Balochi zobáná

²⁴ Bale Issopay kamán barjáh mant o báski mohr o mohkam atant, Ákubay zórmandén Hodáay dastay barkatá, Esráilay shepánkay barkatá, Esráilay taláray barkatá,

Pédáesh 49:24 Iomraidhean Croise

Pédáesh 45:11

Man tai har chizzay zemmah zortag ke é dhokkál tán panch sálá angata mánit. Chó mabit ke taw wár o bazzag bebay, tai jend o tai hándán o tai sajjahén mardom janjál bebant.”

Pédáesh 45:5

Bale nun paréshán mabét o watá mayárig makanét ke shomá chéá maná edá bahá kort. Hodáyá pa sáháni rakkénagá maná cha shomá pésar edá ráh dát.

Pédáesh 45:7

bale Hodáyá cha shomá pésar maná edá ráh dát ke shomárá zendag bedárit o sarjamiá berakkénit ke shomay nasl cha zeminá gár mabit.

Pédáesh 47:12

Issopá wati pet o brát o petay lógay sajjahén mardom láp dátant o haminchok chokkesh ke hastat haminchoki dátant.

Pédáesh 48:15

Ákubá Issop barkat dát o gwashti: “Hamá Hodá ke mani pet o pirok Ebráhém o Esáká áiay ráh zortag, hamá Hodá ke cha mani pédáeshá beger tán maróchi mani negahpán butag,

Pédáesh 49:23

Tirkamán janókán pa zahrnáki áiay sará orosh kort o pa badwáhi tiresh jat.

Pédáesh 50:21

Gorhá matorsét. Man shomay o shomay chokkáni zaluratán puraha kanán.” Bráti deljami dátant o gón áyán pa sharri habari kort.

Zabur 118:22

Á seng ke bánbandén ostáyán pasond nakort o nazort, hamá seng bonhesht but.

Zabur 132:1

Oo Hodáwand! Dáudá yát kan o áiay sakki o sórián.

Zabur 132:2

Gón Hodáwandá sawgendé wárti o gón Ákubay zórmandén Hodáyá kawli kort o gwashti:

Zabur 18:1

Oo Hodáwand, oo mani zór o wák! Tará báz dósta dárán.

Zabur 18:30

Haw! Hodá, áiay ráh tamán o kámelén ráhé, Hodáay habar béayb ant, pa harkasá ke áiay gwará panáha zurit, esparé.

Zabur 23:1

Hodáwand mani shopánk ent, hech chizzay mohtája nabán.

Zabur 27:14

Hodáwanday wadárá bay, zórmand bay o delá dhaddh kan. Haw! Hodáwanday wadárá bay.

Zabur 28:8

Hodáwand wati mardománi zór o twán ent, pa rógen per moshtagéná rakkagay kaláté.

Zabur 44:7

É taw ay ke márá cha dozhmenán rakkéntag o badwáh sarjahl kortagant.

Zabur 73:23

Angat ham modám gón taw án, taw mani rástén dastá geray.

Zabur 80:1

Oo Esráilay shopánk! Gósh dár, taw ke shopánkéay paymá Issopay ramagay rahshón ay. Oo Hodá! Taw ke karrubiáni nyámá bádsháhi tahtá neshtagay, wati nurá tálán kan.

Zabur 89:1

Hodáwanday mehrá tán abada názénán cha wati zobáná, tai wapádáriay kessahá sajjahén naslán sara kanán.

Dargwaz 3:6

Hodáyá padá gwasht: “Man tai petay Hodá án, Ebráhémay Hodá, Esákay Hodá o Ákubay Hodá án.” Mussáyá Hodáay chárag torset o wati démi gept.

Mattá 21:42

Issáyá cha áyán jost kort: “Shomá Hodáay Pákén Ketábán nawántag: Á seng ke bánbandén ostáyán pasond nakort o nazort hamá seng, bonhesht but. É Hodáwanday kár ent o may chammán ajab ent.”

Markás 12:10

Záná, shomá Pákén Ketábá nawántag: Á seng ke bánbandén ostáyán pasond nakort o nazort hamá seng, bonhesht but.

Luká 20:17

Issáyá áyáni némagá cháret o gwashti: “Gorhá, á nebeshtahay máná ché ent ke gwashit: ‘Hamá seng ke bánbandén ostáyán pasond nakort o nazort, hamá seng bonhesht but.’

Kásedáni Kár 4:11

Issá hamá seng ent ke shomá, bánbandén ostáyán, pasond nakort o chagal dát, bale á seng, bonhesht but.

Pulosay kágad pa Rumián 14:4

Taw kay ay ke degaréay hezmatkáray sará hokm beborray? Á wati jenday hodábonday péshgáhá óshtit yá kapit. Bale bezán ke óshtit, chéá ke Hodáwandá é wák hast ke áiá bedárit.

Pa Timutáusá Pulosay domi kágad 4:17

Bale Hodáwand mani kashá óshtát o maná zór o wáki dát, tánke man sarjamiá paygámay járá bejanán o sajjahén darkawm beshkonant. É paymá man cha shéray dapá rakketán.