Pédáesh 48:16 - Hodáay Pákén Ketáb Balochi zobáná

¹⁶ hamá préshtag ke maná cha har táwáná rakkéntagi, é chokkán barkat bedayát. É mani námay sará o mani pet o pirokay námay sará bezán Ebráhém o Esákay námá zánag bátant o zeminay sará sakk báz bátant.”

Pédáesh 48:16 Iomraidhean Croise

Pédáesh 22:11

bale Hodáwanday préshtagá cha ásmáná Ebráhém tawár kort: “Ebráhém! Oo Ebráhém!” Ebráhémá passaw dát: “Ji!”

Pédáesh 22:15

Hodáwanday préshtagá padá Ebráhém cha ásmáná gwánk jat.

Pédáesh 32:28

Mardá gwasht: “Cha ed o rand taw Ákub gwashaga nabay, tai nám Esráila bit, chéá ke taw gón Hodáyá o gón mardomán merhetagay o sardast butagay.”

Pédáesh 46:3

Hodáyá gwasht: “Man Hodá án, tai petay Hodá. Mesray rawagá mators ke man ódá cha taw mazanén kawmé addha kanán.

Pédáesh 48:5

Nun tai é doén mardénchokk maniga bant, hamé chokk ke cha mani edá, tai kerrá áyagá pésar Mesray molká pédá butagant. Epráém o Manasi maniga bant, anchó ke Ruben o Shamun manig ant.

Pédáesh 49:22

Issop porsamarén anguré, chammagay lambá baráwarén anguré. Sháharhi, diwálán sara kapant.

Zabur 121:7

Hodáwand tará cha har badiá dura dárit, tai zenday negahpán ent,

Zabur 34:2

Mani arwáh Hodáwanday sará pahra kant, békebrén mardom beshkonant o shádehi bekanant.

Zabur 34:22

Hodáwand wati hezmatkáráni zendá rakkénit, harkas ke áiay báhótha bit, mayárbára nabit.

Zabur 34:7

Hodáwanday préshtag Hodátorsáni chapp o chágerdá pallé bandit o áyán nejáta dant.

Zabur 34:8

Bechashét o bechárét ke Hodáwand nék ent, bahtáwar hamá ent ke áiay mayár o báhótha bit.

Dargwaz 1:7

Bale Bani Esráil porsamar at. Áyán chokk o bar kort, waddán but o sakk báz butant. Mesray molk cha Esráilián porr but.

Mattá 6:13

Márá ázmáesh o chakkásá dawr maday o cha Shaytáná berakkén.’

Yuhanná 17:15

É dwáyá nakanán ke eshán cha donyáyá bebar, dwá kanán ke eshán cha sherr o Shaytáná dur bedár.

Pulosay kágad pa Rumián 8:23

Tahná hasti nálagá naent, má wat ham ke cha Ruhay awali bar o samará sharikdár butagén, wati daruná nálagá én, hamé wahdá ke pa bésabri wadárá én ke márá pa chokki bezurit, tánke may jesm o ján ázát kanag bebit.

Pa Timutáusá Pulosay domi kágad 4:18

Hodáwand maná cha har paymén sherr o badá rakkénit o maná pa salámati wati ásmáni bádsháhiá sara kant. Áiay shán o shawkat barjáh bát, abad tán abad. Anchosh bát. Ámin.

Pa Titusá Pulosay kágad 2:14

Issá Masihá wati zend pa má nadr kort ke márá cha may sajjahén selkárián bemókit o pa wat kawmé pák o palgár bekant ke áiay jendayg bebit o é kawm pa sharrén káray kanagá hobbig o hodónák bebit.