Pédáesh 48:14 - Hodáay Pákén Ketáb Balochi zobáná

¹⁴ Bale Esráilá wati rástén dast chappén némagá shahár dát o chappén dast rástén némagá. Rástén dasti Epráémay sará ér kort, bell toré kaster at. Chappén dasti Manasiay sará ér kort, bell toré awali chokk at.

Pédáesh 48:14 Iomraidhean Croise

Pédáesh 41:51

Issopá wati awali chokkay nám Manasi kort, gwashti: “Hodáyá maná cha sajjahén sakki o sórián o cha petay lógay sajjahén tránagán ázát kortag.”

Pédáesh 41:52

Domi chokkay námi Epráém kort, gwashti: “Mani sakki o sóriáni molká, Hodáyá maná porsamar kortag.”

Pédáesh 46:20

Issopay chokk Manasi o Epráém Mesray molká cha Asenátá pédá butant. Asenát Putipéráay jenekk at o Putipérá Unay shahray dini péshwá at.

Pédáesh 48:13

Issopá doén chokk zortant, Epráémi wati rástén némagá o Esráilay chappén némagá kort. Manasii wati chappén némagá o Esráilay rástén némagá kort. Wati petay nazzikká bortanti.

Pédáesh 48:17

Wahdé Issopá dist ke mani petay rástén dast Epráémay sará ent, wasshi nabut. Petay dasti gept ke cha Epráémay sará duri bekant o Manasiay sará éri bekant.

Pédáesh 48:18

Gón petá gwashti: “Mani pet! Chó makan. Mani awali chokk esh ent. Wati rástén dastá eshiay sará ér kan.”

Zabur 110:1

É Hodáwanday paygám ent pa mani Hodáwandá: “Mani rástén némagá benend tán hamá wahdá ke tai dozhmenán tai pádáni chéray padag o chárchóbahé bekanán.”

Zabur 118:16

Hodáwanday rástén dast chest butag, Hodáwanday rástén dastá mazanén káré kortag.”

Dargwaz 15:6

Oo Hodáwand! Tai rástén dast ajab zórmand at. Oo Hodáwand! Tai rástén dastá dozhmen shengént.

Mattá 16:18

Tará gwashán: Taw Petros ay o é taláray sará man wati kelisáay bonyátá éra kanán ke markay zór áiá hechbar prósha nadant o áiay sará sóbéna nabit.

Mattá 19:13

Á wahdá kasánén chokkesh Issáay kerrá áwortant ke wati dastá áyáni sará per bemoshit o dwá bekant, bale moridán neherr o hakkal dátant.

Mattá 19:15

Nun Issáyá áyáni sará dast per mosht. Gorhá wati ráhi gept o shot.

Mattá 6:5

Wahdé dwá kanét, gorhá doru o dopóstén mardománi dhawlá makanét, chéá ke áyán kanisaháni tahá o chárráháni sará óshtag o dwá kanag dósta bit, tánke mardom áyán begendant. Shomárá rásténa gwashán, mozzé ke áyán rasagi at, rasetesh.

Luká 13:13

Issáyá wati dast áiay sará ér kort o hamá damáná á kompén janénay srén tachk but o Hodáay sepat o sanáyá lagget.

Luká 4:40

Rónendá, mardomán har dhawlén nádráh Issáay kerrá áwortant o áiá nádráháni sará dast per mosht o dráh kortant.

Kásedáni Kár 13:3

Cha róchag o dwáyá rand, á doénesh dast baddhá jat o ráh dátant.

Kásedáni Kár 6:6

É mardomesh kásedáni démá áwort o pésh kortant. Kásedán pa áyán dwá kort o dast baddhá jatant.

Pa Timutáusá Pulosay awali kágad 4:14

Cha wati hamá ruhánién nyámatá nádelgósh mabay ke tará hamá wahdá raset ke kamásháni rombá tai sará dast ér mosht o yakkéá tará gón Pákén Ruhay elhámá é nyámatay hál dát.

Pa Timutáusá Pulosay awali kágad 5:22

Kaséay sará dastay ér moshag o áiá kelisáay kamásh kanagá eshtáp makan ke degaráni gonáhán sharikdára bay. Watá pák o palgár bedár.