Pédáesh 43:5 - Hodáay Pákén Ketáb Balochi zobáná

⁵ bale agan taw áiá gón makanay, má narawén. Chéá ke á mardá gwasht: ‘Agan shomay brát gón shomá gón nabut, mani démá makapét.’”

Pédáesh 43:5 Iomraidhean Croise

Pédáesh 42:15

Shomárá é paymá chakkásén: Tánke shomay kasterén brát edá nayayt, maná Perawnay saray sawgend ent ke shomá cha é jágahá shota nakanét.

Pédáesh 42:20

bale wati kasterén brátá mani kerrá byárét ke shomay habar rást bebant o cha marká berakkét.” Áyán anchosh kort o

Pédáesh 42:38

Bale Ákubá gwasht: “Mani chokk gón shomá nayayt gón. Áiay brát mortag o bass jendi pasht kaptag. Agan shomay é sapará táwáné berasiti, man cha gamána merán o mani pirén saray hón shomay gardená bit.”

Pédáesh 43:3

Bale Yahudáyá gón áiá gwasht: “Á mardá márá pa trondi habardár kort o gwasht: ‘Agan shomay brát gón shomá gón nabut, mani démá makapét.’

Pédáesh 43:4

Agan taw may brátá gón má ráh bedayay, má rawén o pa taw ward o waráka gerén,

Pédáesh 43:6

Esráilá jost kort: “Shomá chéá á mard hál dát ke márá dega bráté hast o é parésháni mani sará áwort?”

Pédáesh 44:23

Bale taw gón wati kasterán gwasht: ‘Agan shomá wati brátá mayárét gón, mani démá makapét.’

Pédáesh 44:25

Gorhá may petá gwasht: ‘Padá berawét o pa má kammé ward o warák begerét o byárét.’

Pédáesh 44:26

Bale má gwasht: ‘Má padá shota nakanén. Hamá shartá rawén ke may kasterén brát gón má gón bebit. Má tán hamá wahdá á marday démá kapta nakanén ke may kasterén brát gón mabit.’

Dargwaz 20:12

Wati pet o mátá ezzat beday ke hamá molká tai omr dráj bebit ke tai Hodáwandén Hodá tará danti.