Pédáesh 35:3 - Hodáay Pákén Ketáb Balochi zobáná

³ byáét Bayt-Élá rawén. Ódá man pa hamá Hodáyá korbánjáhé addha kanán ke sakki o sóriáni róchán mani dwái gósh dáshtag o har jáh ke shotagán, gón man gón butag.”

Pédáesh 35:3 Iomraidhean Croise

Pédáesh 28:15

Bechár, man gón taw gón án o har kojá ke raway tai chár o gozárá kanán o tará padá hamé sardhagárá kárán. Tánke man gón taw wati kawl purah nakortag, tará yalaha nadayán.”

Pédáesh 31:3

Gorhá Hodáwandá gón Ákubá gwasht: “Wati pet o pirok o syádáni molká wátarr kan. Man gón taw gón án.”

Pédáesh 31:42

Agan mani petay Hodá, Ebráhémay Hodá o Esákay Hodá gón man gón mabutén, allamá taw maná hórk o háligén dastán ráh dátagat, bale Hodáyá mani bazzagi o zahmat distag o dóshi tará neherr o hakkali dátag.”

Pédáesh 32:24

Ákub éwak but. Yakk mardé átk o tán bámgwáhá gón áiá band merhet.

Pédáesh 32:7

Ákubá gón mazanén tors o larz o paréshánié wati hamráhén mardom do thóliá bahr kortant, ramag o górom o baggi ham do bahrá kortant.

Pédáesh 35:4

Gorhá áyán har dhanni hodáé ke gón at o har cholombé ke góshán at, sajjahénesh Ákubárá dátant o Ákubá é zort o Shekémá, mazanén drachkay chérá kall kortant.

Pédáesh 35:7

Ákubá hamódá korbánjáhé addh kort o á jágahay námi Él-Bayt-Él kort, chéá ke wahdé á cha wati brátá tachagá at, Hodáyá hamedá áiay démá watá záher kort.

Pédáesh 48:15

Ákubá Issop barkat dát o gwashti: “Hamá Hodá ke mani pet o pirok Ebráhém o Esáká áiay ráh zortag, hamá Hodá ke cha mani pédáeshá beger tán maróchi mani negahpán butag,

Zabur 107:6

Nun sakkiáni tahá Hodáwanday gwará peryátesh kort o áiá cha sakkián rakkéntant.

Zabur 107:8

Hodáwanday shográ begerátant, áiay mehr o pa baniádamá áiay bákamálén káráni sawabá.

Zabur 46:1

Hodá may panáhgáh o zór o wák ent, madat kanóké ke sakkiáni wahdá tayár ent.

Zabur 50:15

Sakki o sóriáni róchá maná belóth, man tará nejáta dayán o taw maná shán o shawkata dayay.”

Zabur 91:15

Á maná tawára kant o man passawia dayán, sakkián áiay hamráha bán, áiá nejáta dayán o ezzata bakshán.