Pédáesh 3:19 - Hodáay Pákén Ketáb Balochi zobáná

¹⁹ Gón hédén péshánigé wati naganá waray tán hamá wahdá ke háká pera tarray, chéá ke cha hameshiá zurag butagay. Taw háké ay o padá háká pera tarray.”

Pédáesh 3:19 Iomraidhean Croise

Pédáesh 18:27

Ebráhémá passaw dát o gwasht: “Man ke hák o poré án, man nun haminkas delér butagán ke gón Hodáwandá habara kanán,

Pédáesh 2:7

Hodáwandén Hodáyá cha zeminay háká mardomé jórh kort, áiay pónzá zenday sáhi damet o é mardom sahdáré but.

Pédáesh 23:4

“Man shomay nyámá darkawm o darámadé án. Maná pa kabrestánéá, zemini thokkoré bahá bedayét ke wati mordagá kabr kort bekanán.”

Pédáesh 3:18

Zemin pa taw konthag o dhangara kárit o taw zeminay sabzagána waray.

Pédáesh 5:5

É hesábá Ádamá sarjamiá 930 sál omr kort o mort.

Zabur 103:14

Chéá ke may sareshtá sarpad ent, á zánt ke má hák én.

Zabur 104:23

Á wahdá mardom wati kárána rawant o tán bégáhá zahmata kasshant.

Zabur 104:29

Taw ke wati démá chéra dayay, é paréshána bant o sarsara janant, esháni sáhá ke pacha geray merant o háká pera tarrant.

Zabur 127:2

Tai, sohbá máhallah pád áyag o shapá tán dérá ágah bayag békár ent. Zahmata kasshay ke tará pa waragá nán berasit, á ke Hodáyá dóst ant, agan wáb bebant ham Hodá é chizzán áyáná dant.

Zabur 22:15

Zór o tágaton kunzagi chondhé ke hoshk butag o zobánon nokká lacchetag, maná markay háká wápéntaget.

Zabur 22:29

Zeminay sajjahén zóráwar waráka warant o áiay démá kapant, hákién ensán kóndhána kapit, hamá ke watá, wat zendag dáshta nakant.

Zabur 90:3

Ensáná padá hákay chérá baray o gwashay: “Oo ensánay chokk! Háká per tarr.”

Dányál 12:2

bázéné ke zeminay hákáni tahá wáb ent, jáha jant, lahtén pa abadmánén zendá o lahtén pa pashali o abadmánén kamsharapiá.

Pa Tesálunikián Pulosay awali kágad 2:9

Brátán! Shomárá may johd o zahmat allam yát ant. Wahdé má shomay kerrá Hodáay wasshén mestágay járá janagá atén, má shap o róch kár ham kort tánke cha shomá kaséay sará báré mabén.

Pa Tesálunikián Pulosay domi kágad 3:10

Chéá ke wahdé má shomay kerrá atén, má shomárá é hokm dát, á kas ke kár kanaga nalóthit, mawárt ham.