Pédáesh 28:4 - Hodáay Pákén Ketáb Balochi zobáná

⁴ Hodá tará o tai nasl o padréchá hamá barkatá bedayát ke Ebráhémárá dátagi, ke hamá sardhagáray wáhond bebay ke annun ódá darámadéay paymá zend gwázenagá ay, hamá sardhagár ke Hodáyá Ebráhémárá bakshátag.”

Pédáesh 28:4 Iomraidhean Croise

Pédáesh 12:7

Bale Hodáwand, Ebrámay démá záher but o gwashti: “Cha mani némagá é sardhagár tai nasl o padréchayg ent.” Gorhá Ebrámá ódá pa Hodáwandá, ke áiay démá záher butagat, korbánjáhé addh kort.

Pédáesh 15:8

Bale Ebrámá gwasht: “Oo Hodáwandén Hodá! Man chón bezánán ke eshiay wáhonda bán?”

Pédáesh 27:33

Nun Esáká baláhén larzagé jáná kapt o gwashti: “Gorhá á kay at ke shekáré jat o pa man áworti o man tai áyagá damáné pésar wárt o áiárá barkat dát? O allam áiá barkata rasit.”

Pédáesh 37:1

Ákub hamá sardhagárá jahmenend but ke áiay petá ódá darámadéay paymá zend gwázéntagat, bezán Kanhánay molká.

Zabur 39:12

“Oo Hodáwand! Mani dwáyá beshkon o pa komaká mani peryátay némagá delgósh kan, arsánon mashamósh o bétawár mabay. Chiá ke tai gwará mehmánéay paymá án, darámadé, wati pet o pirénáni dhawlá.

Zabur 72:17

Bádsháhay nám namirán bát, tán rócha drapshit nám o tawári bemánát. Sajjahén kawm cha áiá barkat begerátant o áiá mobárak begwashátant.

Dargwaz 6:4

Man gón áyán ahd o paymán ham kort ke Kanhánay molká shomárá dayán, bezán hamá molká ke ódá á, darámaday paymá neshtagatant.

Pa Galátián Pulosay kágad 3:14

Masihá márá móket ke cha áiay wasilahá Ebráhémay barkat darkawmán sar bebit o cha imánay ráhá márá hamá Pákén Ruh berasit ke Hodáyá kawl kortag.

Pa Galátián Pulosay kágad 3:8

Pákén Ketábá péshgói kort ke Hodá chón darkawmán imánay sawabá pák o palgára kant. Hodáyá Ebráhémay kerrá wasshén mestágay jár pésará jat, gwashti: “Donyáay sajjahén kawm tai sawabá barkata gerant.”