Pédáesh 20:3 - Hodáay Pákén Ketáb Balochi zobáná

³ Bale shapá Hodá Abimalekay wábá átk o gwashti: “Bechár, é janén ke taw bortag, taw eshiay sawabá meray. É sur kortagéné.”

Pédáesh 20:3 Iomraidhean Croise

Pédáesh 12:17

Bale Hodáwandá Ebrámay lógi, Sáráiay sawabá Perawn o áiay lógay sará mazanén wabá o warh warhén nádráhi dawr dát.

Pédáesh 12:18

Perawná Ebrám lótháént o gwasht: “É che káré at ke taw gón man kort? Taw chéá maná hál nadát ke é tai lógi ent?

Pédáesh 20:7

Nun é marday janá beday. É mard nabié. Pa taw dwá kant o taw zendaga mánay. Bale agan é marday janá madayay, deljam bay ke tai jend o tai sajjahén mardom allamá merant.”

Pédáesh 28:12

Wábé disti ta padánké ke yakk saré zeminá enti o domi sar ásmáná o Hodáay préshtag sara kapant o éra kapant.

Pédáesh 31:24

Hodá shapá Lábán Aramáiay wábá átk o gwashti: “Habardár! Ákubá hecch magwash, na sharr, na haráb.”

Pédáesh 37:5

Issopá wábé dist o wahdé wati bráti hál dátant, áiay brátán cha Issopá géshter naprat kort.

Pédáesh 37:9

Issopá dega wábé dist o wati bráti hál dátant. Gwashti: “Gósh dárét. Man dega wábé distag. É randi, róch o máh o yázdah estár maná sojdah kanagá at.”

Pédáesh 40:5

Mesray bádsháhay ápi o náni ke bandijáhá atant, yakk shapé doénán wáb dist o har yakkéay wábá jetáén mánáé hastat.

Pédáesh 40:8

Áyán passaw dát: “Má doénán wáb distag o kass nést ke mánáesh bekant.” Issopá gwasht: “Wábáni mánáay zánag wa Hodái káré. Wati wábán maná begwashét.”

Pédáesh 46:2

Hodáyá shapay elháméay tahá gón Esráilá habar kort. Gwashti: “Ákub! Oo Ákub!” Áiá passaw dát: “Ji!”

Zabur 105:14

Kassá áyáni sará zolm kanagi naesht, pa áyánigi, áiá bádsháh neherr dátant:

Mattá 1:20

É bárawá angat pegr kanagá at ke áiay wábá anágat Hodáwanday préshtagé átk o gwashti: “Issop, oo Dáud bádsháhay chokk! Cha wati deshtár Maryamay zurag o lógá baragá mators, chéá ke áiá é lápporri, cha Pákén Ruhá rasetag.

Mattá 27:19

Wahdé Pilátus hakdiwáná neshtagat, áiay janá é kolaw ráh dát ke “Gón é bégonáh o nékén mardá hecch makan, chéá ke dóshi man eshiay bárawá sakkén paréshánén wábé distag.”