Pédáesh 18:19 - Hodáay Pákén Ketáb Balochi zobáná

¹⁹ Chéá ke man, Ebráhém dar chetag ke wati chokk o lógay mardomán hokm bedant ke cha áiá rand, pa pahrézkári o ensáp mane Hodáwanday ráhá rawán bebant tánke pa Ebráhémá hamá kárá bekanán ke gón áiá kawlon kortag.”

Pédáesh 18:19 Iomraidhean Croise

Pédáesh 12:2

Man tará mazanén kawmé jórha kanán, tará barkata dayán o tai námá borza kanán o taw barkaté bay.

Pédáesh 12:3

Hamá mardom ke tará barkata dayant, man áyán barkata dayán o hamá mardom ke tará nálata kanant, man áyán nálata kanán o zeminay sajjahén kawm tai sawabá barkata gerant.”

Pédáesh 17:9

Gorhá Hodáyá gón Ebráhémá gwasht: “Bale tawe Ebráhém báyad ent mani ahd o paymáná barjáh bedáray, tai jend o tai nasl o padréch, posht dar posht.

Pédáesh 22:18

zeminay sajjahén kawm tai poshpaday sawabá barkata gerant, chéá ke taw mani habar zortag.’”

Pédáesh 35:2

Ákubá gón wati lógay mardom o á dega sajjahén hamráhán gwasht: “Hamá dhanni hodá ke shomay nyámá ant, cha wat daresh kanét, watá pák o palgár kanét o wati pocchán badal kanét o

Zabur 1:6

Ke Hodáwand pahrézkáráni ráhay negahpán ent, bale badkáráni ráh tabáhi o bégwáhi ent.

Zabur 11:4

Hodáwand wati pákén parasteshgáhá ent, Hodáwanday taht ásmáná ent. Chammi gendagá ant, didagi ensánay chokkána ázmáit.

Zabur 34:15

Hodáwanday chamm gón pahrézkárán ent o góshi ham pa áyáni peryátán pach.

Mattá 25:17

Hamé paymá, á domi ke do tálánti rasetagat, dega do tálánti nap raset.

Yuhanná 10:14

Nékén shepánk man án, man wati pasána zánán o á ham maná zánant,

Yuhanná 21:17

Sayomi bará gwashti: “Oo Shamun, Yuhannáay chokk! Bárén, maná dósta dáray?” Issáyá ke sayomi bará jost kort ke maná dósta dáray, Petros gamig but. Gwashti: “Oo Hodáwand! Taw har chizza zánay, taw zánay ke man tará dósta dárán.” Issáyá gwasht: “Gorhá mani pasán bechárén.

Kásedáni Kár 27:31

Pulosá gón pawji apsar o sepáhigán gwasht: “Agan jánshóán bójig yalah dát o jestant, gorhá shomá rakketa nakanét.”

Pa Timutáusá Pulosay awali kágad 3:12

Hezmatkár ham gón wati janá wapádár bebit o wati lógay mardománi rahshóniá sharriay sará bekant.

Pa Timutáusá Pulosay domi kágad 1:5

Tai bégarazén imánay yátá kapán ke awalá tai ballok Luis o tai mát Yunikahay delá jágahi kort o man deljam án ke nun tai delá ham jágahi kortag.

Pa Timutáusá Pulosay domi kágad 2:19

Bale padá ham Hodáay sará báwarmand mohra óshtant, lógéay mohkamén bonyáday paymá. Hodáyá wati báwarmandáni sará é habar naksh kortag o mohr jatagant: “Hodáwand wati mardomán pajjáha kárit” o “Harkas ke Hodáwanday námá gipt, báyad ent watá cha badkáriá dur bedárit.”

Pa Timutáusá Pulosay domi kágad 3:15

Tará sarjamén Pákén Ketábay zánt cha gwánzagá gón ent. É ketáb tará sarpad korta kant ke chón tará Issá Masihay sará imánay barkatá nejáta rasit.