Pédáesh 1:22 - Hodáay Pákén Ketáb Balochi zobáná

²² Hodáyá é sajjahén barkat dát o gwashtant: “Chokk o bar kanét. Gésh bayán bebét o daryáyán porr kanét. Báli morg ham zeminá sakk báz bebant.”

Pédáesh 1:22 Iomraidhean Croise

Pédáesh 1:21

Gorhá Hodáyá mazanén daryái sahdár o warh warhén dega sahdár addh kort ke é, wati tahray hesábá ram jórh butant o daryáesh porr kort. Hamé paymá warh warhén báli morgi addh kort, áyáni jenday tahray hesábá. Hodáyá dist ke é kár sharr but.

Pédáesh 1:23

Shap gwast o sohb but. É panchomi róch at.

Pédáesh 1:28

Hodáyá á, barkat dát o gwashtant: “Chokk o bar kanét, báz bebét o zeminá porr kanét o zeminay sará hákemi bekanét. Daryáay máhig, ásmánay morg o zeminay sajjahén sorendaháni sará hákemi bekanét.”

Pédáesh 30:27

Lábáná gwasht: “Maná ezzat beday. Dazbandia kanán hamedá bedár. Man pál jatag o maná é sarpadi rasetag ke Hodáwandá pa taigi maná barkat dátag.”

Pédáesh 30:30

Cha mani áyagá pésar tará kammok hastat o nun sakk báz butagant. Har jáh ke man wati pád ér kortag, Hodáwandá tará hamódá barkat dátag. Bale man kadi pa wati jenday lógá káré bekanán?”

Pédáesh 35:11

Hodáyá gón Ákubá gwasht: “Man porwákén Hodá án. Chokk o bar kan o gésh bayán bay. Cha taw kawmé o kawmáni rombé pédá bit o bádsháh cha tai sréná pédá bant.

Pédáesh 8:17

Hamá sajjahén sahdár ke tai hamráh ant, dhanná baresh gón, báli morg o jánwar o sajjahén lápkasshán, tánke zeminay sará romb o ramag bekanant, chokk o bar bekanant o géshá gésh bebant.”

Pédáesh 9:1

Hodáyá Nuh o áiay chokk barkat dát o gwashtant: “Chokk o bar kanét o gésh bebét o donyáyá porr kanét.

Zabur 107:31

Hodáwanday shográ begerátant, áiay mehr o pa baniádamá áiay bákamálén káráni sawabá.

Zabur 107:38

Áiá barkat dátant o á sakk báz géshter butant, naeshti ke dalwatesh kamm bebant.

Zabur 128:3

Tai jan tai lógay tahá chó bar áwarén angurá bit, tai chokk tai parzónagay chapp o chágerdá chó zaytunay nahálá bant.