Pédáesh 1:1 - Hodáay Pákén Ketáb Balochi zobáná

¹ Bongéjá, Hodáyá ásmán o zemin addh kortant.

Pédáesh 1:1 Iomraidhean Croise

Zabur 102:25

Zemin, taw cha azalá jórh kortag o ásmán tai dastáni kár ent.

Zabur 104:24

Oo Hodáwand! Tai kár chinkadar báz ant, taw, é sajjahén pa hekmat addh kortagant, zemin cha tai jórh kortagénán porr ent.

Zabur 104:30

Wati ruhá ke déma dayay é addha bant. Zeminay sarborá nók o tázaga kanay.

Zabur 115:15

Hodáwand shomárá barkat dayát, zemin o ásmánay addh kanók.

Zabur 121:2

Maná komakk cha Hodáwandá rasit, hamá ke ásmán o zemini addh kortagant.

Zabur 124:8

Hodáwanday nám may madat ent, ásmán o zeminay jórh kanókay nám.

Zabur 134:3

Hodáwand cha Sahyuná shomárá barkat bedayát, hamá ke zemin o ásmánay addh kanók ent.

Zabur 136:5

Hamá ke cha wati dánáiá ásmáni addh kortagant, mehri abadmán ent.

Zabur 146:6

hamáiay sará ke zemin o ásmánay jórh kanók ent o daryá o har ché ke daryáyá hast, hamáiay sará ke tán abad wapádár ent,

Zabur 33:6

Gón Hodáwanday gál o habará ásmán addh butagant o áyáni sajjahén lashkar, gón áiay dapay damá.

Zabur 33:9

Chiá ke áiá gwasht o hamá chizz paym but, parmáni dát o barjáh dárag but.

Zabur 8:3

Wahdé tai ásmánáni némagá chárán ke tai lankokáni ezm o honar ant máh o estáráni némagá, ke taw barjáh dáshtagant,

Zabur 8:4

ensán chié ke taw áiay gamwár bebay o bani ádam kay ent ke áiay delgóshá bedáray?

Zabur 90:2

Cha kóháni pédá bayag o zemin o jahánay addh kanagá pésar, cha azal tán abad, Hodá taw ay.

Zabur 96:5

Kawmáni sajjahén “hodá” náudagén bot ant, bale Hodáwandá ásmán jórh kortant.

Dargwaz 20:11

Chéá ke Hodáwandá shash róchá ásmán, zemin, daryá o harché ke esháni tahá hast, addh kortant o haptomi róchá árámi kort, paméshká Hodáwandá Shabbatay róch barkat dátag o gechéni o pákén róché jórh kortag.

Dargwaz 31:18

Wahdé Hodáwandá Sináay kóhay sará gón Mussáyá habar halás kort, sháhediay doén wáneki Mussáay dastá dátant, sengay do wánek atant ke esháni sará Hodáwandá dahén parmán daste wat nebeshtah kortagatant.

Mattá 11:25

Á wahdá Issáyá gwasht: “Oo mani Pet, zemin o ásmánay Hodábond! Tará satá kanán o sárháyán ke taw é ráz o habar cha zántkár o hóshmandán chér dátant o kódakáni sará paddar kortant.

Markás 13:19

Chéá ke hamá róchán, anchén sakki o sórié kapit ke áiay mesál, cha hamá róchá ke Hodáyá jahán jórhéntag tán é wahdá nayátkag o hechbar ham nayayt.

Kásedáni Kár 14:15

Gwashtesh: “Oo mardomán! Shomá ché kanagá ét? Má shomay dhawlén baniádam én o bass. Átkagén shomárá é mestágá bedayén ke é haráb o náhudagén kárán yalah bekanét o barhakk o namiránén Hodáay keshká begerét. Áiá ásmán, zemin, daryá o harché ke áyáni tahá hastent, addh kortagant.

Kásedáni Kár 17:24

Á Hodá hamá ent ke é donyá o eshiay tahay sajjahén chizzi addh kortagant. Á wat, zemin o ásmánay Hodáwand ent, paméshká áiá mardománi dastay jórh kortagén parasteshgáhán jágaha nabit.

Kásedáni Kár 4:24

Áyán ke eshkot, yakdel o hamtawár Hodáay bárgáhá dwá kort o gwashtesh: “Oo zórmandén Hodáwand, ásmán o zemin o daryáay addh kanók o har chizzé ke áyáni tahá ent!

Pulosay kágad pa Rumián 11:36

Chéá ke har chizz cha hamáiay némagá ent o cha áiay sawabá o pa hamáiá ent. Tán abad shán o shawkat hamáiá sar bát. Anchosh bát. Ámin.

Petrosay Domi Kágad 3:5

É paymá pa zánt, wati chammán cha é rástiá banda kanant ke ásmán, Hodáay hokmay sará cha dérigén wahdán hastat o é zemin, cha ápá o ápay ráhá jórh butag o

Yuhannáay Awali Kágad 1:1

Hamá ke cha azalá hastat, hamá ke má eshkotag, gón wati chammán distag, hamá ke má cháretag o dast per kortag, á zendmánay gál ent.

Elhám 10:6

O hamáiay sawgendi wárt ke abad tán abad zendag ent, hamáiay ke ásmán o harché ke ásmánán hast, zemin o harché ke zeminá hast, daryá o harché ke daryáay tahá hast jórhi kortagant. Gwashti: “Nun wahd halás ent.

Elhám 14:7

Gón borzén tawáréá gwashti: “Hodáay bimmá delá bedárét o áiá shán o shawkat bedayét chéá ke áiay dádrasiay sáhat átkag o rasetag. Hamáiá parastesh bekanét ke ásmán o zemin, daryá o ápi chammagi jórh kortagant.”

Elhám 21:6

Chosh ham maná gwashti: “Kár halletant. Bendát man án o halási man án, bongéj o ásar. Hamá ke tonnig ent, man áiá cha zenday chammagá mopt o bé zarrá ápa dayán.

Elhám 22:13

Bendát man án o halási man án, awali o áheri, bongéj o ásar.

Elhám 3:14

Pa Lawdikiáay kelisáay préshtagá nebeshtah kan: É habar “Ámin”, wapádár o rástén sháhed, Hodáay addh kortagénáni sarchammagay habar ant. Á chosha gwashit:

Elhám 4:11

“May Hodáwand o may Hodá! Taw shán o shawkat, ezzat o zóra karzay, chéá ke taw sajjahén chizz addh kortagant o sajjahén chizz cha tai wáhagá jórh butag o hastant.”