Mattá 5:7 - Hodáay Pákén Ketáb Balochi zobáná

⁷ Bahtáwar ant hamá ke pa degarán rahma kanant, chéá ke áyáni sará ham rahm kanaga bit.

Mattá 5:7 Iomraidhean Croise

Zabur 112:4

Pa nékdelán mán tahárókiá ham rozhna drapshénit, á mehrabán, rahm kanók o ádel ent.

Zabur 112:9

Gón garib o nézgárán béhesáb bakshendah ent, áiay pahrézkári tán abad barjam ent. Áiay kánth pa sháné borz kanaga bit.

Zabur 18:25

Taw gón wapádárán wapádár ay o gón tachkénán tachk.

Zabur 37:26

Modám daspach ent o pa ásáni wáma dant, chokki barkata kárant.

Dányál 4:27

Oo bádsháh! Paméshká mani é sój balkén pa taw sharrén sójé bebit: nékén kár bekan ke cha wati gonáhán dur bebay o bazzagáni sará rahm kan ke cha wati radkárián berakkay. Balkén tai ábádi barjáh bemánit.”

Markás 11:25

Har wahdá ke pa dwáyá óshtét, agan shomárá gón yakkéá gelage hast, wati dwáay tahá áiá bebakshét, tánke shomay ásmáni Pet ham, shomay gonáh o mayárán bebakshit.

Luká 6:35

Bale shomá gón wati dozhmenán ham mehrabán bebét, gón áyán néki bekanét, wámesh bedayét o padá malóthét. É dhawlá, shomárá cha Hodáay némagá, mazanén mozzé rasit o shomá mazanshánén Hodáay Chokka bét, chéá ke á, gón náshogr o badkárén mardomán ham mehrabán ent.

Pulosay kágad pa Rumián 11:30

Hamá paymá ke yakk wahdé shomá Hodáay náparmán atét bale cha Esráiliáni náparmániá, Hodáay mehr o rahmat shomárá raset,

Pa Timutáusá Pulosay awali kágad 1:13

Har chont ke pésará kopr kanók, ázár dayók o sheddatién mardomé atán, bale Hodáwandá mani sará rahm kort, chéá ke man cha wati nábáwariá zánagá naatán ke ché kanagá án.

Pa Timutáusá Pulosay awali kágad 1:16

Bale mani sará paméshká rahm kanag but ke Issá Masihá lóthet gón man wati békesásén sabr o ópárá záher bekant, man ke cha sajjahénán ganter án, o é paymá man pa hamá mardomán mesálé bebán ke áiay sará imána kárant o abadmánén zendéay wáhonda bant.

Ákub 2:13

Chéá ke á mardom ke mehr o rahma nakanant, áyáni dádrasi pa bérahmia bit. Bale mehr o rahm, dádrasiay sará báládast o sóbéna bit.

Ákub 3:17

Bale á hekmat ke cha borzá kayt, awalá ke pák o palgár ent, randá sohl árók o narm, mannók o cha néki o rahmatay bar o samará porr ent, cha park o pér o dorui o dopóstiá ham dur ent.

Petrosay Awal Kágad 2:10

Pésará shomá kawmé naatét bale annun Hodáay kawm ét. Pésará shomárá Hodáay rahmat narasetagat bale annun áiay rahmat shomárá gón ent.