Markás 9:43 - Hodáay Pákén Ketáb Balochi zobáná

⁴³ Agan tai dasté tará dém pa gonáhá bebárt, áiá borr. Chéá ke gón doén dastán dózahay dáemi ásá kapagay badalá, sharter hamesh ent ke gón yakk dasté, namiránén zenday wáhond bebay.

Markás 9:43 Iomraidhean Croise

Mattá 17:27

Bale pa áyáni naranjénagá, mazangwarmay tayábá beraw o nahigé ápá dawr beday, hamá máhig ke pésará nahigá jant, áiay dapá pach kan, taw yakk chárkaldári zarré genday, hamáiá bezur, manig o wati songá porr kan.”

Mattá 25:41

Randá gón hamáyán ke chappén némagá ant, gwashit: ‘Oo shummán! Cha mani démá dur bét o hamá jamburén ásay némagá berawét ke hechbara namerit o pa Shaytán o áiay hamráhán addh kanag butag.

Mattá 3:12

Áiá cha bucch o pogán dánay jetá kanag o gisshénagá, hanshóné dastá ent. Jóháná pák o sallaha kant o dánán ambárá éra kant, bale pog o palárán anchosha sóchit ke ásesh hechbara namerit.”

Mattá 5:22

Bale man shomárá gwashán, harkas wati brátay sará zahra gipt, á ham hakdiwánay démá mayárig kanaga bit. Kasé ke wati brátá záh o zakat bekant, hakdiwáná mayárig kanaga bit, kasé ke wati brátá ‘hórh’ o ‘ahmaka’ gwashit, dózahay ásay sezáwára bit.

Markás 9:44

Luká 14:13

Wahdé mehmánia kanay, gorhá nézgár o mondh o lang o kórán belóth.

Luká 14:21

Golám átk o wati hodábondi cha sajjahénáni hálá sahig kort. Hodábond é habaráni eshkonagá sakk zahr gept o hokmi kort: ‘Pa eshtápi beraw, cha shahray tank o rahsarán, sajjahén nézgár, mondh, kór o langán pa é mehmániay waragá byár.’

Luká 3:17

Áiá cha bucch o pogán dánay jetá kanag o gisshénagá, hanshóné dastá ent. Jóháná pák o sallaha kant o dánán ambárá éra kant, bale pog o palárán anchosha sóchit ke ásesh hechbara namerit.”

Pulosay kágad pa Rumián 8:13

Chéá ke agan shomá gonahkárén sareshtay ráhá begerét, merét. Bale agan cha Ruhay ráhá wati sareshtay gonáh o badkárián bekoshét, zendaga mánét.

Pa Galátián Pulosay kágad 5:24

Hamá ke Issá Masihayg ant, áyán wati gonahkárén tab o saresht gón áiay hawas o sellén wáhagán yakjáh salib kasshetag.

Pa Titusá Pulosay kágad 2:12

É rahmat márá tálima dant ke má watá cha hodánáparmáni o donyái hawá o hawasán dur bedárén o hamé wahdá ke má wati mobárakén ométay entezár o wadárá én, bezán wati mazanén Hodá, wati rakkénókén Issá Masihay porshawkatén áyagay wadárá én, é donyáyá pa jenday dásht o pahrézkári o Hodátorsi zend begwázénén.

Petrosay Awal Kágad 2:1

Paméshká, har paymén badi, makr o préb, dotal o dopósti, hasadd o kénagán cha wat dur kanét o hechkaséay poshtá bad o radén habar makanét.