Markás 8:33 - Hodáay Pákén Ketáb Balochi zobáná

³³ Bale Issáyá chakk tarrént, moridáni némagá cháret o Petrosi hakkal dát o gwashti: “Oo Shaytán! Cha mani démá dur bay. Tai hayál Hodái hayálé naent, ensáni hayálé.”

Markás 8:33 Iomraidhean Croise

Zabur 141:5

Bell maná pahrézkáré shahmát bejant, é rahmé, bell maná hakkal bedant, é pa mani sará rógené, man cha eshiá enkára nakanán, angat mani dwá, badkáráni káráni helápá bit.

Mattá 15:23

Bale Issáyá jwábé nadát. Nun moridán dazbandi kort: “Eshiá yal kan, galléni, may randá kaptag o báz kukkár kanagá ent.”

Mattá 16:23

Issáyá chakk tarrént o gón Petrosá gwashti: “Oo Shaytán! Cha mani démá dur bay. Taw mani ráhá bandagá ay, tai hayál Hodái hayálé naent, ensáni hayálé.”

Mattá 4:10

Gorhá Issáyá gwasht: “Oo Shaytán! Cha mani démá gom bay! Pákén Ketábá nebisag butag: Wati Hodáwandén Hodáyá parastesh bekan o tahná hamáiay hezmatá bekan.”

Markás 3:34

Nun Issáyá neshtagén mardománi némagá cháret o gwashti: “Mani mát o brát esh ant!

Markás 3:5

Issáyá pa zahr cháretant, chéá ke cha áyáni sengdeliá sakk padard but. Gón á mardá gwashti: “Dastá shahár day!” Áiá dast shahár dát o dasti wassh o dráh but.

Luká 22:61

Hodáwandén Issáyá chakk tarrént o Petrosay némagá cháret. Gorhá, Petros Hodáwanday habaray yátá kapt ke gwashtagati: “Taw maróchi korósay bángá pésar, say randá mani pajjáh áragá enkára kanay.”

Luká 4:8

Issáyá passaw dát: “Pákén Ketábá nebisag butag: wati Hodáwandén Hodáyá parastesh bekan o tahná hamáiay hezmatá bekan.”

Luká 9:55

Bale Issáyá chakk tarrént, á neherr o hakkal dátant.

Pa Pilipián Pulosay kágad 3:19

Esháni ásar tabáhi ent. Esháni hodá wati jenday láp ent o bénangi esháni pahr o shán ent. Ésháni hayál gón donyái chizzán ent.

Pa Timutáusá Pulosay awali kágad 5:20

bale hamá ke gonáha kant, mahlukay démá malámat kanag bebit, tánke é dega mardom ebrat begerant.

Pa Titusá Pulosay kágad 1:13

É gwáhi rást ent, paméshká pa trondi sarpadesh kan ke rástén imánay sará mohr bóshtant o

Petrosay Awal Kágad 4:1

Nun hamá dhawlá ke Masihá wati jesm o jáná sakki sagget, shomá ham pa anchén káréá tayár bebét, parchá ke har wahdá kaséá mán jesmá sakki saggetag, cha gonáhá rakketag.

Yuhannáay Awali Kágad 2:15

Donyá o har chizzé ke áiay tahá hast, dóstesh madárét. Agan kasé donyáyá dóst bedárit, Petay mehr áiay delá nést.

Elhám 3:19

Man hamáyán neherra dayán o adaba kanán ke maná dóst ant. Paméshká pa del pashómán bay o tawbah kan.