Markás 6:6 - Hodáay Pákén Ketáb Balochi zobáná

⁶ Issá, cha áyáni nábáwariá hayrán at. Randá, Issáyá é dega métag o ábádián tarr o garda kort o mardomi sabakka dátant.

Markás 6:6 Iomraidhean Croise

Mattá 4:23

Issáyá sajjahén Jalilá tarr o garda kort. Áiá kanisaháni tahá mardom dars o sabakka dát, Hodáay bádsháhiay mestága rasént o mardom cha nájórhi o nádráhián jórh o dráha kortant.

Mattá 8:10

Wahdé Issáyá é habar eshkot, hayrán but o gón wati hamráhán gwashti: “Shomárá rásténa gwashán ke Esráiliáni nyámá ham man choshén mohrén setk o báwar nadistag.

Mattá 9:35

Issá sajjahén shahr o métagána shot o kanisaháni tahá mardomi dars o sabakka dátant, Hodáay bádsháhiay mestági sheng o tálána kort o har paymén nádráhi o nezórián dur kanán at.

Markás 1:39

Gorhá, sajjahén Jalilá tarr o tábi kort, kanisaháni tahá wasshén mestágay jári jat o jenniáni jenni ham kasshet o dar kortant.

Markás 10:1

Issá, cha ódá dar átk o dém pa Yahudiahay damag o Ordonay kawray domi pahnátá shot. Ódá, padá mardománi bázén rombé átk o áiay kerrá mocch but. Á, wati hél o ádatay sará, mardománi tálim dayagá goláésh but.

Luká 13:22

Issá shahr pa shahr o métag pa métag mardomán tálim dayán dém pa Urshalimá rawagá at,

Luká 4:31

Randá, Issá Kaparnáhumá shot, ke Jalilay damagay shahré. Shabbatay róchá, parasteshgáhay tahá mardomi tálim dátant.

Luká 4:44

Gorhá Yahudiahay sajjahén kanisahán, wasshén mestági jár jat.

Yuhanná 9:30

Mardá gwasht: “É ajabén habaré. Áiá mani chamm rozhná kortagant o shomá nazánét ke cha kojá átkag.

Kásedáni Kár 10:38

É kár hamesh at ke Hodáyá gón wati Pákén Ruh o zórá, Issá Náseriay sará rógen per mosht. É dhawlá á, har jáh ke shot, gón wati nékén kárán, á sajjahén mardom ke Shaytánay bandig atant dráhia kortant, chéá ke Hodá gón áiá gón at.