Markás 3:18 - Hodáay Pákén Ketáb Balochi zobáná

¹⁸ Andriás, Pilipos, Bartulumá, Mattá, Tumá, Halpiay chokk Ákub, Taddá, sarmachárén Shamun o

Markás 3:18 Iomraidhean Croise

Mattá 13:55

É hamá dártráshay chokk naent? Maryam eshiay mát o Ákub, Issop, Shamun o Yahudá eshiay brát naant?

Mattá 9:9

Anchosh ke Issá ráhá rawagá at, Mattá námén mardé disti ke song o máliát geragay jágahá neshtagat. Gón áiá gwashti: “Byá, mani randgiriá bekan!” Mattá pád átk o áiay hamráh but.

Markás 2:14

Anchosh ke Issá ráhá rawagá at, Halpiay chokk Láwii dist ke song o máliát geragay jágahá neshtagat. Gón áiá gwashti: “Byá, mani randgiriá bekan.” Á pád átk o Issáay hamráh but.

Markás 3:17

Zebdiay chokk, Ákub o áiay brát Yuhanná ke Issáyá “grand o gerókay chokk” nám per bastant,

Markás 3:19

Yahudá Eskaryuti ke randá Issái dróhagi o dozhmenáni dastá dayagi at.

Markás 6:3

É hamá dártrásh naent ke Maryamay bacch o Ákub, Yushá, Yahudá o Shamunay brát ent? Áiay gohár ham hamedá may shahrá jahmenend naant?” Gorhá áyán bad átk o Issáesh namannet.

Yuhanná 1:40

É doén mardom ke Yahyáay habaráni eshkonagá rand Issáay randá kapt o shotant, cha eshán yakké Shamun-Petrosay brát Andriás at.

Yuhanná 11:16

Tumá ke áiay domi nám Didimus at, gón á dega moridán gwashti: “Byáét, má ham rawén ke gón Issáyá hór bemerén.”

Yuhanná 14:22

Yahudá Eskaryutiá na, domi Yahudáyá jost kort: “Oo Hodáwand! Chéá watá pa má záhera kanay bale pa jaháná záhera nakanay?”

Yuhanná 21:2

Shamun-Petros o Tumá ke áiay domi nám Didimus at o Natnáil ke cha Jalilay métag Kánáyá at o Zebdiay chokk o dega do morid yakjáh atant.

Kásedáni Kár 1:13

Wahdé shahrá rasetant, hamá borzádi báná shotant ke pésará hamódá butagatant. É mocchiay mardománi nám esh atant: Petros, Yuhanná, Ákub, Andriás, Pilipos, Tumá, Bartulumá, Mattá, Halpiay chokk Ákub, sarmachárén Shamun o Ákubay chokk Yahudá.

Kásedáni Kár 15:13

Wahdé áyán wati gapp o trán halás kort, Ákubá darráént: “Oo brátán! Mani habarán delgósh kanét.

Kásedáni Kár 21:18

Domi róchá, Pulosay hamráhiá Issáay brát Ákubay gend o nendá shotén. Kelisáay sajjahén kamásh hamódá atant.

Pa Galátián Pulosay kágad 1:19

Man ódá á dega kásed nadistant, man bass Hodáwanday brát Ákub dist.

Pa Galátián Pulosay kágad 2:9

Ákub o Képá o Yuhanná ke kelisáay menok zánaga butant, wahdé sarpad butant ke maná rahmatay é sawgát rasetag, wati rástén dastesh mani o Bárnábáay némagá pa hamkáriá shahárt ke má darkawmáni kerrá berawén o á, sonnat kortagénáni kerrá berawant.

Ákub 1:1

Cha Hodá o Hodáwandén Issá Masihay hezmatkár, Ákubay némagá pa dwázdahén kabilahán ke donyáyá sheng o sháng ant. Shomárá salám sar bát.

Yahudáay Kágad 1:1

Cha Ákubay brát, Issáay Masihay hezmatkár, Yahudáay némagá, pa hamá gwánk jatagénán ke Hodáén Petá dóst ant o pa Issá Masihaygi gón sharrén pahrézé dárag butagant.