Markás 2:13 - Hodáay Pákén Ketáb Balochi zobáná

¹³ Issá, padá gwarmay lambá shot. Mardománi mazanén rombé áiay kerrá átk, Issáyá á mardom tálim dátant.

Markás 2:13 Iomraidhean Croise

Mattá 13:1

Hamá róchá, Issá cha lógá dar átk o mazangwarmay kerrá shot o nesht.

Mattá 9:9

Anchosh ke Issá ráhá rawagá at, Mattá námén mardé disti ke song o máliát geragay jágahá neshtagat. Gón áiá gwashti: “Byá, mani randgiriá bekan!” Mattá pád átk o áiay hamráh but.

Markás 1:45

Bale á mard ke cha ódá dar kapt, wati drahbakshiay habari har jáh sheng o tálán kort. É sawabá, nun Issáyá sarzáherá, hecch shahréá shota nakort, dasht o gyábán o gestáén jágahána tarret. Bale angat mardom cha har némagá áiay kerrá átkant.

Markás 10:1

Issá, cha ódá dar átk o dém pa Yahudiahay damag o Ordonay kawray domi pahnátá shot. Ódá, padá mardománi bázén rombé átk o áiay kerrá mocch but. Á, wati hél o ádatay sará, mardománi tálim dayagá goláésh but.

Markás 2:2

Gorhá, haminkadar mardom átk o mocch but ke lógay dapá óshtagay jágah ham néstat. Issá Hodáay habarán mahluká dars o sabakk dayagá at.

Markás 4:1

Issá padá mazangwarmay kerrá, mardomán dars o sabakk dayagá at. Áiay chapp o chágerdá haminchok mardom mocch but ke á bójigéá swár but o kammoké á kashter kenzet. Sajjahén mardom gwarmay tayábá óshtátagatant.

Luká 19:48

bale pa wati é maksadá, hecch ráhé dar gétk nakortesh, chéá ke áiay har habar mardománi delá neshtagat.

Luká 21:38

Mardom ham har sabáhá máhallah, pa áiay habaráni gósh dáragá, mazanén parasteshgáhá átkant.