Markás 2:1 - Hodáay Pákén Ketáb Balochi zobáná

¹ Lahtén róchá o rand, Issá padá Kaparnáhumá átk o é habar sheng o tálán but ke á lógá ent.

Markás 2:1 Iomraidhean Croise

Mattá 4:13

Náserahay shahri yalah dát o Kaparnáhumay shahrá jahmenend but. Kaparnáhum, Jalilay mazangwarmay kerrá, Zebulun o Naptáliay kabilaháni sardhagárá ent.

Mattá 9:1

Issá yakk bójigéá swár but, mazangwarmi gwázént o wati jenday shahrá átk.

Markás 1:45

Bale á mard ke cha ódá dar kapt, wati drahbakshiay habari har jáh sheng o tálán kort. É sawabá, nun Issáyá sarzáherá, hecch shahréá shota nakort, dasht o gyábán o gestáén jágahána tarret. Bale angat mardom cha har némagá áiay kerrá átkant.

Markás 2:2

Gorhá, haminkadar mardom átk o mocch but ke lógay dapá óshtagay jágah ham néstat. Issá Hodáay habarán mahluká dars o sabakk dayagá at.

Markás 3:20

Randá, Issá lógá átk o ódá mardom haminchok báz at ke Issá o áiay moridán waragay móh ham naraset.

Markás 7:17

Wahdé mardomi yalah dátant o lógá átk, moridán gwasht: “Márá é mesálay maksadá sarpad kan.”

Markás 7:24

Issá cha ódá dar átk o Suray sardhagárá shot. Ódá lógéá shot o nalótheti ke kasé áiay áyagá sahig bebit, bale watá chér dát nakort.

Markás 9:28

Wahdé Issá lógá raset, moridán halwatá cha áiá jost kort: “Má chéá é bachakkay jenn kasshet nakort?”

Luká 4:23

Issáyá gón áyán gwasht: “Man deljam án shomá é batalá pa mana kárét ke ‘agan taw dáktaré ay gorhá pésará watá dráh bekan. Hamá mójezah ke má eshkotag taw Kaparnáhumá kortagant, áyán edá wati shahr o hankéná ham pésh bedár.’”

Luká 5:18

Hamá wahdá lahtén mardomá, tahtéay sará yakk lang o mondhén mardé gón at o átkant. Áyán báz johd kort ke áiá Issáay démá byárant,

Yuhanná 4:47

Wahdé á sahig but ke Issá cha Yahudiahá Jalilá átkag, áiay kerrá átk o dazbandii kort ke Kaparnáhumá byá o mani nádráhén chokká berakkén ke meragi ent.

Kásedáni Kár 2:6

Wahdé é tawár chest but, bázén mardomé yakjáh mocch but o hayrán o habakkah mant, chéá ke harkas cha moridáni dapá wati jenday zobáná eshkonagá at.