Markás 16:18 - Hodáay Pákén Ketáb Balochi zobáná

¹⁸ márán pa dasta gerant o agan zahrnákén chizz ham bwarant, áyán hecch parwáha nabit. Gón báwarmandáni dast per moshagá, nádráh wassh o dráha bant.”

Markás 16:18 Iomraidhean Croise

Pédáesh 3:15

Man taig o janénay nyámá, tai nasl o janénay naslay nyámá dozhmeni pédá kanán. Eshiay nasl tai saragá jant o taw áiay páday punzá janay.”

Zabur 91:13

Shér o máráni sará garday, rostagén shér o syahmáráni saragán pádmála kanay.

Markás 5:23

Gón áiá dazbandii kort ke “Mani jenekk markig ent. Byá o wati dastá áiay sará ér mosh, tánke dráh bebit o zendag bemánit.”

Luká 10:19

Man shomárá hamá wák o ehtiár dátag ke már o zumm o dozhmenay sajjahén wák o kodratá lagatmál bekanét. Hecch chizz shomárá táwán dáta nakant o noksána narasénit.

Kásedáni Kár 19:12

Har dazmál o godé ke áiá belaggetén o pa nádráhánesh per bemoshtén, á wassh o dráha butant o jennán, ganók yalaha kortant.

Kásedáni Kár 3:12

Petrosá ke chosh dist, gón áyán gwashti: “Oo Esráilián! Cha é kárá, pa ché inkadar hayrán o habakkah mantagét? Chéá chammó pa má sakk ant? Gwashay záná, má gón wati jenday twán o pahrézkáriá é mard dráh o tayár kortag.

Kásedáni Kár 3:16

É mardá gendagá ét o zánét. Cha Issáay námay saray báwarmandiá, áiá wák o twán rasetag. Haw! Issáay nám o áiay sará báwarmandiá, é mard shomay démá sarjamá dráh kortag.

Kásedáni Kár 4:10

gorhá shomá sajjahén o Esráilay drostigén kawm bezánét, é mard ke dráh o tayár shomay démá óshtátag, cha Issá Masih Náseriay námay barkatá dráh butag. Shomá Issá salib kasshet o kosht, bale Hodáyá cha mordagáni nyámá zendag kort.

Kásedáni Kár 4:22

Á mard ke gón é mójezahá dráh butagat, omri chell sálá gésh at.

Kásedáni Kár 4:30

Wati pákén hezmatkár Issáay námá, pa drahbakshi o mójezah o ajabbatén neshániáni paddar kanagá, wati dastá shahár day.”

Kásedáni Kár 9:34

Petrosá gón áiá gwasht: “Oo Iniás! Issá Masih tará dráha kant, pád á, wati gandalán péch.” Hamá damáná Iniás pád átk o óshtát.

Pulosay kágad pa Rumián 16:20

Sohl o émeniay Hodá, hamé zuttán Shaytáná shomay pádáni chérá hurta kant. May Hodáwand Issá Masihay rahmat shomay hamráh bát.