Markás 16:15 - Hodáay Pákén Ketáb Balochi zobáná

¹⁵ Gón áyán gwashti: “Shomá donyáay sajjahén kawmáni kerrá berawét o wasshén mestágá sar kanét.

Markás 16:15 Iomraidhean Croise

Zabur 22:27

Zeminay chárén kondh áiá yáta kanant o dém pa Hodáwandá pera tarrant, sajjahén kawmáni hándán o kothom áiay bárgáhá sará jahla kanant.

Zabur 96:3

Kawmáni nyámá áiay shán o shawkatay járá bejanét, sajjahén kawmáni nyámá áiay ajabén káráni.

Zabur 98:3

Áiá pa Esráilay óbádagán wati mehr o wapa yátá áwortag, zeminay sajjahén goddhi hadd o simsarán, may Hodáay dátagén neját distag.

Mattá 28:19

Paméshká, berawét sajjahén kawmán mani morid bekanét, Pet o Chokk o Pákén Ruhay námá pákshódi bedayét o

Markás 13:10

Bale pésará báyad ent ke mani wasshén mestág pa sajjahén kawmán jár janag bebit.

Yuhanná 15:16

Shomá maná gechén nakortag, man shomárá gechén kortag o dém dátag ke shomá berawét o bar o samar byárét, abadmánén bar o samar. Gorhá harché ke mani námay sará cha Petá belóthét, shomárá dant.

Yuhanná 20:21

Issáyá padá gwasht: “Émeni o salámati pa shomá. Hamá dhawlá ke Petá maná ráh dátag, man shomárá ráha dayán.”

Kásedáni Kár 1:2

tán hamá róchá ke dém pa ásmáná barag but, har káré ke áiá kortagat o har tálimé ke áiá dátagat, man tará sahig kort. Issáyá pa wati kásediá, lahtén mardom pésará gechén kortagat o cha Hodáay Pákén Ruhay némagá hokmi dátagatant o gwashtagatanti ke áyáni kár ché ant.

Kásedáni Kár 1:8

Bale wahdé Pákén Ruh shomay delána nendit, shomárá was o wáka rasit o Urshalimay shahrá, Yahudiah o Sámerahay damagán, tán sarjamén donyáay goddhi marz o simsarán ham, pa man sháhedia dayét o mani wasshén mestágá rasénét.”

Pulosay kágad pa Rumián 10:18

Bale nun josta kanán: “Áyán naeshkotag?” Allam eshkotagesh, parchá ke: “Áyáni tawár sajjahén donyáyá shotag o áyáni habar jahánay goddhi marz o simsarán sar butagant.”

Pulosay kágad pa Rumián 16:26

bale nun páshk o paddar butag o gón abadmánén Hodáay hokm o parmáná cha nabiáni nebeshtánkán darkawmáni nyámá pajjárénag butag, tán sajjahén kawm báwar bekanant o bemannant.

Yuhannáay Awali Kágad 4:14

Má distag o gwáhia dayén ke Petá wati chokk rawán dátag tán jahánay rakkénók bebit.

Elhám 14:6

Padá man dega préshtagé dist, ásmánay nyámá bál at. Abadi wasshén mestágé gón ati ke pa zeminay saray neshtagénán, pa har kawm, kabilah, zobán o rájá jári bejant.