Markás 16:14 - Hodáay Pákén Ketáb Balochi zobáná

¹⁴ Randá, Issá wati yázdahén moridáni démá, hamá wahdá átk o záher but ke warák waragá atant. Issáyá, pa áyáni kambáwari o sengdeliá, á mayárig kortant chéá ke á mardománi habaresh báwar nakortagat ke Issáesh cha jáh janagá rand distagat.

Markás 16:14 Iomraidhean Croise

Mattá 11:20

Gorhá Issá hamá shahr o mardománi mayárig kanagá lagget ke wati géshterén ajabén kári hamá shahrán kortagatant, chéá ke áyán cha wati badén kárán tawbah nakortagat.

Mattá 17:20

Issáyá passaw dát: “Shomay kambáwariay sawabá. Shomárá rásténa gwashán, agan shomay báwar arzonéay kesásá ham bebit, shomá é kóhá gwashta kanét ke ‘cha edá bekenz o ódá beraw,’ kóha kenzit. Hecch chizz pa shomá nabuteni naent.

Mattá 28:17

Wahdé áyán Issá dist parasteshesh kort, bale lahtén angat shakk at.

Markás 7:18

Issáyá gwasht: “Shomá haminkadar násarpad ét? Hecch warákay warag mardomá sell o nápáka nakant,

Luká 24:11

Kásedán, janénáni habar bé sar o bonén habar zánt o báwaresh nakortant.

Luká 24:25

Issáyá gón áyán gwasht: “Oo násarpadán! Pa nabiáni sajjahén habaráni báwar kanagá shomay del kór ent.

Yuhanná 20:25

Á dega moridán gwasht: “Má Hodáwand distag.” Bale áiá gwasht: “Man tánke áiay dastáni sará méháni thappán magendán, tánke wati lankoká méháni thappán o wati dastá áiay kash o pahnátay thappay sará ér makanán, báwara nakanán.”

Yuhanná 20:26

Hasht róchá rand, wahdé morid padá hamá lógá yakjáh butant, Tumá ham gón at. Lógay darwázag kobl atant, bale angat ham Issá átk o áyáni nyámá óshtát o gwashti: “Émeni o salámati pa shomá.”

Yuhanná 20:27

Nun gón Tumáyá gwashti: “Wati lankoká edá byár, mani dastán bechár, wati dastá mani kash o pahnátay thappay sará ér kan o cha ed o rand shakk makan, báwar kan.”

Yuhanná 21:1

É chizzán o rand, Teberiahay Mazangwarmay lambá, padá Issáyá watá moridáni démá záher kort. Áiay záher bayag é dhawlá at:

Yuhanná 21:14

Cha wati jáh janagá pad, é sayomi rand at ke Issá moridáni démá záher but.

Kásedáni Kár 1:3

Markay sakkiay saggagá rand, wati kásedáni démá záhera but o gón bázén gwáhián paddaria kort ke cha mordagáni nyámá zendag butag o jáhi jatag. Áiá, tán chell róchá watá kásedáni démá záhera kort o gón áyán Hodáay bádsháhiay bárawá habaria kort.

Elhám 3:19

Man hamáyán neherra dayán o adaba kanán ke maná dóst ant. Paméshká pa del pashómán bay o tawbah kan.