Markás 16:1 - Hodáay Pákén Ketáb Balochi zobáná

¹ Wahdé Shabbatay róch halás but, Maryam Majdaliah, Ákubay mát Maryam o Sálumahá, washbóén dáru gept ke Issáay jóná charp kanant.

Markás 16:1 Iomraidhean Croise

Pédáesh 50:2

Gorhá hamá dáktar ke Issopay hezmatá atant, Issopá gón áyán gwasht ke mani pet Esráilá mómyái kanét o áyán Esráil mómyái kort.

Markás 14:3

Issá, Bayt-Anyáyá hamá Shamunay lógá mehmán at ke cha jozámay nádráhiá dráh butagat. Hamódá, yakk janéné gón sengmarmarén atrdánéá Issáay gwará átk, atrdáná sombolay gehter o gránbaháén atr mán at. Áiá atrdán pach kort o atr, Issáay sará chandhetant.

Markás 14:8

Éshiá pa mani kabr kanagay tayáriá, wati hezmat sarjam kort o mani sará atr chandhet.

Markás 15:40

Lahtén janén dur óshtátag o cháragá at, gón áyán, Maryam Majdaliah, kasánén Ákub o Yusháay mát Maryam o Sálumah gón atant.

Markás 15:42

Á róch, Jomahay róch at o mardom, pa Shabbatay róchay árám kanagá, watá tayár kanagá atant.

Markás 15:47

Maryam Majdaliah o Yusháay mát Maryam, har doénán dist ke áesh kojá kall kort.

Markás 16:2

Yakshambehay bámgwáhá, dém pa Issáay kabrá shotant.

Markás 16:8

Janén dar átk o cha kabray sará jestant. Á cha torsá larzag o drahagá atant. Paméshká, gón hechkasá habaresh nakort.

Luká 23:54

Á róch, tayáriay róch at o Shabbat bongéj bayagi at.

Luká 23:56

Randá, wati lógán átkant o washbóén atr o rógenesh tayár kort. Shabbatay róchá, Sharyatay rahbanday sará, áyán árám kort.

Luká 24:1

Haptagay awali róchá, bezán Yakshambehay gwarbámá, janénán hamá washbóén rógen o atr ke tayár kortagatant, zortant o kabray sará shotant,

Yuhanná 19:25

Salibay nazzikká Issáay mát o mátay gohár o Kliupásay jan Maryam o Maryam Magdalini óshtátagatant.

Yuhanná 19:31

Á róch, Shabbatay tayáriay róch at. Yahudián nalóthet ke salib kasshetagénáni jón o jasad Shabbatay róchá salibay sará lónján bebant, chéá ke é hásén Shabbaté at. Paméshká cha Pilátusá dazbandiesh kort ke á sayénáni pádán prósh o cha salibáni sará éresh géj.