Markás 10:32 - Hodáay Pákén Ketáb Balochi zobáná

³² Issá pésar o morid áiay randá, Urshalimay némagá rawagá atant. Morid, hayrán o bah mánag atant o á dega hamráháni delá, tors o bimmé wadi butagat. Issáyá á dwázdahén morid kerréá bortant o gwashti ke gón áiá ché bayagi ent.

Markás 10:32 Iomraidhean Croise

Mattá 11:25

Á wahdá Issáyá gwasht: “Oo mani Pet, zemin o ásmánay Hodábond! Tará satá kanán o sárháyán ke taw é ráz o habar cha zántkár o hóshmandán chér dátant o kódakáni sará paddar kortant.

Mattá 13:11

Áyáni passawá gwashti: “Hodáyá é zánt shomárá dátag ke ásmáni bádsháhiay rázán sarpad bebét, bale á dega mardománá nadátagi.

Markás 1:27

Mardomán pa hayráni watmánwatá gwasht: “É chónén habaré? Gwashay nókén tálimé, gón choshén wák o ehtiáré ke jennán ham hokma dant o jenn ham áiay habará mannant.”

Markás 4:34

Bé darwar o mesálán hecch habaria nakort, bale wahdé gón wati moridán tahná but, gorhá sajjahén mesáli pa áyán máná kortant.

Luká 10:23

Padá Issáyá pa ehwat o halwatá dém gón moridán kort o gwashti: “Bahtáwar ant hamá chamm ke harché shomá distag á ham begendant.

Luká 19:28

Cha é habarán o rand, Issá pésar o péshgám dém pa Urshalimá rawagá at.

Luká 9:51

Wahdé Issáay chest bayag o ásmáná rawagay wahd nazzikk but, gorhá gón deljamén shawré dém pa Urshalimá ráh gept.

Yuhanná 11:16

Tumá ke áiay domi nám Didimus at, gón á dega moridán gwashti: “Byáét, má ham rawén ke gón Issáyá hór bemerén.”

Yuhanná 11:8

Moridán gwasht: “Oo ostád! Annun Yahudi tai sengsár kanagay sará atant. Padá hamódá rawaga lóthay?”