Markás 10:22 - Hodáay Pákén Ketáb Balochi zobáná

²² Cha é habará, démi pazhmordah, gamig o paréshán but o shot. Chéá ke á sér o hazgárén mardé at.

Markás 10:22 Iomraidhean Croise

Mattá 13:22

Á tohm ke shezz o dhangaráni tahá retkant, hamá mardomay mesál ent ke Hodáay habará gósha dárit, bale donyái parésháni o mál o zarray hers o jópah, áiá rada dayant o naylant Hodáay habar sabz betarrit o bar o barward bedant.

Mattá 19:22

Anchosh ke warnáyá é habar eshkot, báz gamig o paréshán but o shot, chéá ke á sér o hazgárén mardé at.

Mattá 27:3

Wahdé Issáay geráénók Yahudáyá dist ke Issáesh mayárig kort, cha wati kortagén kárá pashómán but o sién nograhén korshi bort o mazanén dini péshwá o kawmay kamásháná wápas dátant.

Markás 10:21

Gorhá, Issáyá pa mehré áiay némagá cháret o gwashti: “Tará angat yakk káré kanagi ent, beraw wati sajjahén mál o hastiá bahá kan o zarrán garib o nézgárén mardománi sará bahr kan, é paymá tará ásmáni ganjé rasit. Gorhá byá o mani randgiriá bekan.”

Markás 10:23

Issáyá chárén némagán cháret o gón wati moridán gwashti: “Pa máldárén mardomán, Hodáay bádsháhiá pád ér kanag sakk grán ent.”

Markás 6:20

chéá ke Hirudisá zántagat Yahyá pahrézkár o pákén mardomé o cha áiá torseti. Paméshká gwashtagati kasé áiá ázáré marasénit. Báz bará, á cha Yahyáay habaráni gósh dáragá negrán o paréshán butagat bale angat áiá dósta but ke Yahyáay habarán beshkont.

Markás 6:26

Hirudis bádsháh sakk paréshán but, bale áiá mehmánáni démá sawgend wártagat o jenekki labz dátagat.

Luká 12:15

Gorhá gón mardomán gwashti: “Hozzhár bét! Watá cha har dhawlén tamáh o lálechá dur bedárét, chéá ke mál o dawlatay zyádahi ensánay zenday maksad o morád naent.”

Luká 18:23

Wahdé á mardá é passaw eshkot, báz delgir o gamig but chéá ke á mazanén máldáré at.

Pa Timutáusá Pulosay domi kágad 4:10

Chéá ke Démásá wati donyádóstiay sawabá maná yalah kortag o Tesálunikiay shahrá shotag. Kriskis Galátiahá shotag o Titus Dalmátiahá.