Markás 10:18 - Hodáay Pákén Ketáb Balochi zobáná

¹⁸ Issáyá gwasht: “Taw maná ‘nékén’ pa ché gwashay? Abéd cha Hodáyá, kass nék naent.

Markás 10:18 Iomraidhean Croise

Zabur 119:68

Taw nék ay o nékia kanay, wati hokmán maná sój day.

Zabur 145:9

Hodáwand gón sajjahénán nék ent o wati sajjahén addh kortagénáni sará rahma kant.

Zabur 86:5

Taw, oo Hodáwand, nék o bakshendah ay o pa áyán cha mehrá sarréch ay ke gón taw peryáta kanant.

Mattá 19:17

Issáyá gwasht: “Taw chéá nékiay bárawá cha man josta kanay? ‘Nékén’ tahná yakké, á Hodáay jend ent, agan taw zendmána lóthay, gorhá Hodáay hokmáni sará kár kan.”

Markás 10:17

Wahdé Issáyá wati ráh gept o shot, yakk mardé tacháná átk, kóndhán kapt o josti kort: “Oo nékén ostád! Man chón bekanán ke namiránén zenday wáhond bebán?”

Markás 10:19

Hodáay hokmán ham taw zánay: Hón makan, zená makan, dozzi makan, drógén sháhedi maday, degaray málá mawar, wati pet o mátá ezzat beday.”

Luká 18:19

Issáyá gwasht: “Taw maná ‘nékén’ pa ché gwashay? Abéd cha Hodáyá kass nék naent.

Pulosay kágad pa Rumián 3:12

Sajjahénán wati dém tarréntag o hóriá náhudag butagant, kass nékén kár kanagá naent, hechkas.

Ákub 1:17

Har nékén dád o har tamánén tohpah o théki cha borzá kayt, cha nur o rozhnay Petay némagá ke hechbar badala nabit o hecch tahári o sáhegéá áiay arwáh o jabiná ráh nést.

Yuhannáay Awali Kágad 4:16

Má hamá mehr zántag o áiay sará báwar kortag ke Hodáyá márá dátag. Hodá mehr ent o harkas ke wati zendá pa mehr begwázénit, Hodáay arwáh o jabiná mánit o Hodá áiay delá.

Yuhannáay Awali Kágad 4:8

Á ke mehra nakant Hodái nazántag, chéá ke Hodá mehr ent.