Luká 8:15 - Hodáay Pákén Ketáb Balochi zobáná

¹⁵ Sharrén zeminá retkagén tohmáni máná, hamá mardom ant ke Hodáay habarán gósha dárant o pa setk o del o pákén niyaté áyána mannant. É chó hamá keshárá ant ke hóshag o bara kanant o páydára bant.

Luká 8:15 Iomraidhean Croise

Zabur 119:11

Man tai habar wati delá ambár kortagant ke tai helápá gonáh makanán.

Zabur 51:10

Oo Hodá! Mani daruná pákén delé bejórhén o mani del o jabiná padá mohrén ruhé byár.

Mattá 24:13

Bale hamá ke tán áherá sakkiána saggit, á rakkit.

Luká 11:28

Issáyá áiay passawá darráént: “Bahtáwar hamá ant ke Hodáay habarán gósha dárant o áyáni sará kára kanant.”

Luká 6:45

Sharrén mardom, wati delay hazánagay ér kortagén nékián, cha wati dap o zobáná dara kant o sellén mardom, wati delay ambáray ér kortagén gandagián, cha wati dap o zobáná réchit. Chéá ke harché mardomay delá bebit, hamá cha áiay dapá dara kayt.

Luká 8:14

Shezz o dhangaráni tahá retkagén tohmáni máná, hamá mardom ant ke Hodáay habarán gósha dárant, bale donyái parésháni o mál o zarray hers o jópah o aysh o nóshán mána gisshant o hóshag o bara nayárant.

Luká 8:16

Kasé ke cherágá róka kant, tagáréay chérá chéria nadant, yá tahtay chérá éria nakant. Rókén cherágá, cherágdáná éra kanant, tán harkas ke lógá kayt rozhnáiá begendit.

Yuhanná 14:15

Agan shomá maná dósta dárét, gorhá mani hokmána mannét.

Yuhanná 15:10

Agan mani hokmáni sará kár bekanét, mani mehráni sáhegá mánét, anchosh ke man wati Petay hokmáni sará kár kortag o áiay mehráni sáhegá neshtagán.

Pulosay kágad pa Rumián 2:7

Hamá ke gón sabr o ópár, nékén káráni sará mohr óshtátagant o shawkat, ezzat o namirániay randá ant, áyán namiránén zenda bakshit.

Pulosay kágad pa Rumián 6:22

Bale nun ke cha gonáhay némagá ázát butagét o Hodáay golám ét, samaré ke katthét palgári ent o áiay ásar namiránén zend.

Pulosay kágad pa Rumián 7:18

Mana zánán ke maná, bezán mani gonahkárén sareshtá hecch nékié mán nést. Maná nékén kár kanagay wáhag hast, bale korta nakanán.

Pulosay kágad pa Rumián 7:4

Oo mani brátán! Hamé paymá cha Masihay jesm o jánay ráhá shomá cha Sharyatá ázát butag o mortagét tán dega kaséay bebét, hamáiay bebét ke cha mordagán jáh janáénag but, tán pa Hodáyá bar o samar byárén.

Pulosay kágad pa Rumián 8:25

Agan hamá chizzay ométwár bebén ke angat márá nést, gorhá pa sabr áiay wadárá bén.

Pa Pilipián Pulosay kágad 1:11

cha pahrézkáriay hamá bar o samará porr bebét ke cha Issá Masihay barkatá kayt, pa Hodáay shán o shawkat o satáyá.

Ákub 1:4

bale bellét ke é sabr o ópár sarjam bebit tán shomá rost o rodóm bekanét o tamán o kámel bebét o shomárá hecch kammié mabit.

Yuhannáay Awali Kágad 2:3

Agan má áiay hokm o parmánáni sará kár bekanén, gorhá sarpada bén ke má áiá zánén.