Luká 7:38 - Hodáay Pákén Ketáb Balochi zobáná

³⁸ Issáay poshtá, áiay pádáni nazzikká gréwán óshtát, gón wati arsán Issáay pádi tarr kort o gón wati mud o malgórán hoshk kortant o pádi chokket o atr per moshtant.

Luká 7:38 Iomraidhean Croise

Pédáesh 18:4

Bell bachakk pa shomay pádáni shódagá kammé ápa kárant, shomá drachkay chérá árám kanét.

Zabur 38:18

Wati mayárbáriá mannán o cha wati gonáhá sakk padard án.

Zabur 51:17

Hodáay delpasondén korbánig, proshtagén arwáh ent. Oo Hodá! Proshtag o tawbahkárén deléa taw jahla najanay.

Mattá 5:4

Bahtáwar ant hamá ke gamig o porsig ant, chéá ke áyán tasallá o delbaddhia rasit.

Luká 22:62

Nun dhanná dar átk o sakk gréti.

Luká 6:21

Bahtáwar ét shomá ke annun shodig ét, chéá ke séra bét. Bahtáwar ét shomá ke annun gréwán ét, chéá ke kandána bét.

Luká 7:37

Á shahrá, yakk badkárén janéné hastat. Wahdé sahig but ke Issá é Parisiay mehmán ent, sengmarmarén atrdánéay tahá, atri zort o hamódá shot.

Luká 7:39

Wahdé á Parisiá ke Issá mehmán kortagat é dist, wati delá gwashti: “Agan é mard paygambaré butén, allamá zántagati é janén ke áiá dast per kanag o moshagá ent, kay ent o chónén gonahkáré.”

Yuhanná 11:2

Maryam hamá at ke Hodáwandén Issáay pádi atr per moshtant o gón wati mudán hoshki kortant. Annun áiay brát Ilázar nájórh at.

Ákub 4:9

zári bekanét, mótk byárét o begréwét. Wati kandagán mótkay tahá badal kanét o shádehián andóháni tahá.