Luká 6:12 - Hodáay Pákén Ketáb Balochi zobáná

¹² Hamá wahdá yakk róché, Issá pa dwá kanagá kóhá shot o sajjahén shapi gón Hodáyá pa dwá gwázént.

Luká 6:12 Iomraidhean Croise

Zabur 22:2

Oo mani Hodá! Sajjahén róchá peryáta kanán o taw passawé nadayay, sajjahén shapá ham, bale áráma nagerán.

Dányál 6:10

Nun wahdé Dányál sahig but ke choshén parmáné dashatt kanag butag, wati lógay hamá borzi kóthiá shot ke darigi dém pa Urshalimá pacha butant o anchó ke modám kortagati, róché say randá kóndhána kapt, dwáia kort o wati Hodáay shogria gept.

Mattá 5:1

Mardománi mazanén mocchiay gendagá rand, Issá kóhéay sará sar kapt. Wahdé borzagá nesht, morid ham áiay kerrá átkant.

Mattá 6:6

Bale harwahd dwá kanay, wati lógá beraw, lógay dapá beband o cha wati ásmáni Petá, ke cha chammán chér o andém ent, dwá belóth, gorhá tai Pet, ke chérénána gendit, tai mozzá dant.

Markás 1:35

Sabáhá máhallah ke angat tahár at, Issá pád átk, cha lógá dar kapt, yakk gestá o panáhén jágahéá shot o dwái kort.

Markás 3:13

Randá, Issá kóhay sará sar kapt o cha wati moridán lahténi hamódá lóthet o á Issáay kerrá átkant.

Markás 6:46

Mardománi yalah kanagá rand, Issá pa dwá kanagá kóhay sará sar kapt.

Luká 5:16

Issá géshter, cha mardomán dur, gestá o tahná, barr o gyábánán dwá kanagá at.

Luká 6:11

Sharyatay zánóger o Parisi sakk zahr geptant o watmánwatá shawr o saláhesh kort ke gón Issáyá ché bekanant.

Luká 6:17

Issá gón moridán cha kóhá ér kapt o yakk patth o pachén jágahéá óshtát. Cha áiay moridán bázéné ódá at. Cha Yahudiah, Urshalim o Sur o Saydunay tayábgwaray mardomán, mazanén rombé ham átk o mocch but.

Luká 9:18

Yakk róché, Issá éwaká dwá kanagá at o morid gón áiá gón atant. Cha moridán josti kort: “Mardom mani bárawá ché gwashant, man kay án?”

Luká 9:28

Cha é habarán, kesás hasht róchá rand, Issáyá Petros, Yuhanná o Ákub hamráh kortant o pa dwáyá yakk kóhéay sará shot.

Luká 9:29

Wahdé Issá dwá kanagá at, áiay démay rang badal but o gwaray god sakk espét but o drapshagá laggetant.

Yuhanná 6:3

Gorhá Issá kóhéay sará sar kapt o gón wati moridán hamódá nesht.