Luká 5:15 - Hodáay Pákén Ketáb Balochi zobáná

¹⁵ Bale Issáay nám o tawár angat ham har jáh sheng o tálána but o bázén mardom pa áiay habaráni gósh dárag o wati nájórhiáni dráh kanáénagá átk o áiay kerrá moccha butant.

Luká 5:15 Iomraidhean Croise

Mattá 9:26

É hál, sajjahén damagá tálán but.

Mattá 9:31

Bale á shotant o Issáay námesh sajjahén damagá tálán kort.

Markás 1:28

Dér nagwast ke Jalilay sajjahén kerr o gwarán, Issáyá nám dar áwort.

Markás 1:45

Bale á mard ke cha ódá dar kapt, wati drahbakshiay habari har jáh sheng o tálán kort. É sawabá, nun Issáyá sarzáherá, hecch shahréá shota nakort, dasht o gyábán o gestáén jágahána tarret. Bale angat mardom cha har némagá áiay kerrá átkant.

Markás 3:7

Issá cha mardomán dur, gón wati moridán gwarmay lambá shot. Bázén Jalili mardomé áiay padá rawán but.

Luká 12:1

Hamá wahdá, hazárán mardom mocch but o yakdomiá gwarmósh dayán o lapáshán at. Issáyá pésará dém gón moridán tarrént, wati gapp o tráni bongéj kort o gwashti: “Cha Parisiáni homirá ke ryákári o dotal o dopóstiay homir ent, watá dur bedárét,

Luká 14:25

Mazanén romb o mocchié, Issáyá hamráhi kanagá at. Áiá dém gón áyán tarrént o gwashti:

Yuhanná 6:2

Mardománi mazanén rombé áiay randá kapt, chéá ke áyán é mójezah o ajabbatén nesháni distagatant ke Issá nádráhán dráha kant.

Pa Timutáusá Pulosay awali kágad 5:25

Hamé warhá lahtén sharrén kár damáná záhera bit o hamá sharrén kár ke tán wahdéá chér o andém ant, á ham randterá záhera bant.