Luká 4:15 - Hodáay Pákén Ketáb Balochi zobáná

¹⁵ Issáyá áyáni kanisaháni tahá tálima dát o sajjahén mardomán á satá kort o sárhát.

Luká 4:15 Iomraidhean Croise

Mattá 13:54

Wati jenday shahrá átk, óday kanisahá mardománi tálim dayagi bongéj kort. Mardom pa hayráni gwashagá laggetant: “Eshiá é zánt o zánag o é dhawlén ajabén kár kanagay wák o twán cha kojá rasetag?”

Mattá 4:23

Issáyá sajjahén Jalilá tarr o garda kort. Áiá kanisaháni tahá mardom dars o sabakka dát, Hodáay bádsháhiay mestága rasént o mardom cha nájórhi o nádráhián jórh o dráha kortant.

Mattá 9:35

Issá sajjahén shahr o métagána shot o kanisaháni tahá mardomi dars o sabakka dátant, Hodáay bádsháhiay mestági sheng o tálána kort o har paymén nádráhi o nezórián dur kanán at.

Mattá 9:8

Wahdé mardomán é kár dist, torsetesh o Hodáesh satá kort o sárhát ke mardomi inchok wák o ehtiár dátagant.

Markás 1:27

Mardomán pa hayráni watmánwatá gwasht: “É chónén habaré? Gwashay nókén tálimé, gón choshén wák o ehtiáré ke jennán ham hokma dant o jenn ham áiay habará mannant.”

Markás 1:39

Gorhá, sajjahén Jalilá tarr o tábi kort, kanisaháni tahá wasshén mestágay jári jat o jenniáni jenni ham kasshet o dar kortant.

Markás 1:45

Bale á mard ke cha ódá dar kapt, wati drahbakshiay habari har jáh sheng o tálán kort. É sawabá, nun Issáyá sarzáherá, hecch shahréá shota nakort, dasht o gyábán o gestáén jágahána tarret. Bale angat mardom cha har némagá áiay kerrá átkant.

Luká 13:10

Shabbatay róché, Issá yakk kanisahéá mardomán sabakk o tálim dayagá at.

Luká 4:16

Gorhá, Náserahá shot, hamódá ke rostag o mazan butagat. Shabbatay róchá, wati hél o ádatay sará kanisahá átk. Ódá pa wánagá óshtát.