Luká 24:5 - Hodáay Pákén Ketáb Balochi zobáná

⁵ Janénán, cha torsá wati sar jahl kort, bale á doénán gwasht: “Shomá chéá á zendagéná, mordagáni nyámá shóháza kanét?

Luká 24:5 Iomraidhean Croise

Dányál 10:16

Purah ensánay dhawlénéá mani lonth dast per kortant. Gorhá man wati dap pach kort o gón hamáiá ke mani démá óshtátagat, habar kanagá laggetán. Gwashton: “Oo mani wájah! É shobéná maná sakk padard kortag o hecch zór o wákon nést.

Dányál 10:19

Gwashti: “Mators, sharapmandén mard! Émen bátay. Dhaddh bay. Mohkam bay.” Anchó ke á gón man habar kanagá at, man dhadhter bután o gwasht: “Mani wájah! Gón man habar kan, chéá ke taw maná zór bakshátag.”

Luká 1:29

Cha é habaray eshkonagá, Maryam báz paréshán but o delá gwashti: “Bárén, é dhawlén hál o hawál kanagay máná ché ent?!”

Luká 24:4

Hayrán atant o nazántesh ché bekanant ke anágat do mard, gón drapshókén god o pocchán áyáni kashá óshtát.

Luká 24:6

Á, edá naent, áiá jáh jatag. Yát kanét, á wahdi ke angat gón shomá Jalilá at, ché gwashti?

Kásedáni Kár 2:24

Bale Hodáyá cha mordagán zendag kort o cha markay ranj o azábá rakként, chéá ke nabuteni at mark áiá wati panjagáni tahá bedárit,

Elhám 1:18

Man zendagén án. Man mortagatán o bechár, nun zendag án, abad tán abad. Mark o mordagáni jahánay kelit maná gón ant.

Elhám 2:8

Pa Samurnáay kelisáay préshtagá nebeshtah kan: É hamá awali o áheriay habar ant ke mortagat o padá zendag but. Á chosha gwashit: