Luká 23:10 - Hodáay Pákén Ketáb Balochi zobáná

¹⁰ Mazanén dini péshwá o Sharyatay zánóger ke hamódá óshtátagatant, Issáay sará bázén tohmat o bohtám janagá atant.

Luká 23:10 Iomraidhean Croise

Mattá 27:12

Mazanén dini péshwá o kawmay kamásh Issáyá beddh o bohtám janagá atant, bale áiá hecch passaw nadát.

Luká 11:53

Wahdé Issá cha ódá dar átk, Parisi o Sharyatay zánóger gón zahrnáki áiay démá óshtátant o bázén jost kanagá laggetant, tán Issáyá cha áiay jenday habarán mán begisshénant o dámá dawr bedayant.

Luká 23:11

Hirudisá ham gón wati sepáhigán hórigá, Issá béezzat kort o kalág gept. Randá, dhawldárén kabáhé gwará dát o padá Pilátusay kerrá rawán kort.

Luká 23:2

Áiay sará tohmat o bohtám janáná gwashtesh: “Má distag ke é mard, kawmá gomráha kant, Rumay Kaysaray song o máliát dayagá manah o makana kant o gwashit: ‘Man Masih o bádsháh án.’”

Luká 23:5

Bale mardom wati habaray sará óshtátant o gwashtesh: “É mard, gón wati tálimán, Yahudiahay sajjahén damagay mardomána shórénit. Cha Jalilá bongéji kortag o annun edá rasetag.”

Luká 23:9

Gorhá, cha Issáyá bázén jost o porsé korti, bale Issáyá hecch passawé nadát.

Kásedáni Kár 24:5

Gapp esh ent ke é mard, Pulos, mazanén pléndh o petnahsázé o sarjamén donyáay Yahudiána shórénit. Náseri námén yakk náráhén thóliéay saróké.