Luká 21:8 - Hodáay Pákén Ketáb Balochi zobáná

⁸ Issáyá gwasht: “Hozzhár bét, kasé shomárá gomráh makant. Chéá ke bázéné pa mani námá kayt o gwashit: ‘Man hamá án’ o ‘Wahd átkag o nazzikk ent,’ bale shomá áyáni habará gón makapét.

Luká 21:8 Iomraidhean Croise

Mattá 24:11

Bázén drógén paygambar jáha janant o bázénéá gomráha kanant.

Mattá 3:2

“Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Mattá 4:17

Cha hamá wahdá, Issáyá é kolaw o paygámay rasénag bongéj kort. Gwashti: “Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Luká 17:23

Mardom shomárá gwashant ke ‘á edá ent’ yá ‘á ódá ent,’ bale shomá áyáni habará gón makapét.

Luká 21:7

Jostesh gept: “Oo ostád! Bárén, é prosht o prósh kadéna bit o eshiay nazzikk bayagay nesháni ché ent?”

Luká 21:9

Wahdé shomá jang o áshópay kukkárá eshkonét, matorsét o paréshán mabét. Chéá ke awalá báyad ent é dhawlá bebit, bale halásiay wahd hamá damáná pa sara narasit.”

Yuhanná 5:43

Man wati Petay námay sará átkagán o shomá maná namannét, bale agan kasé wati jenday námá byayt, áiá mannét.

Yuhanná 8:24

Man paméshká shomárá gwasht ke wati gonáháni tahá merét. Agan shomá báwar makanét ke man hamá án, shomá wati gonáháni tahá merét.”

Yuhanná 8:28

Paméshká Issáyá gwasht: “Wahdé shomá Ensánay Chokk cha zeminá chest kort, gorhá zánét ke man mamá án o watsará káré nakanán. Hamá dhawlá ke Petá sój dátag, hamá dhawlá habara kanán.

Pa Tesálunikián Pulosay domi kágad 2:3

Chó mabit kasé warhé na warhé shomárá rad bedant, Hodáwanday róch tán hamá wahdá nayayt ke mardom cha Hodáwandá sarkassh mabant o bérahbandén mard, bezán “tabáhiay chokk” páshk mabit.

Pa Timutáusá Pulosay domi kágad 3:13

badén mardom o rad dayók degarán rada dayant o wat rada kapant o róch pa róch gantera bant.

Yuhannáay Awali Kágad 4:1

Oo dordánagán! Har ruhéay sará báwar makanét, ruhán ázmáesh kanét o bechakkásét ke bárén cha Hodáay némagá ant yá na? Chéá ke bázén drógén nabié donyáay chárén kondhán potertag.

Yuhannáay Domi Kágad 1:7

Chéá ke bázén rad dayóké donyáyá potertag o tálán ent o é habará namannant ke Issá Masih ensáni jesm o jánéá ér átkag. É paymén mardom rad dayók o Masihay dozhmen ant.

Elhám 1:3

Bahtáwar hamá ent ke é péshgóiay labzán pa borztawária wánit o bahtáwar hamá ant ke é péshgóiay labzán gósha dárant o harché ke nebisag butag, wati delá dárantesh, chéá ke wahd nazzikk ent.

Elhám 12:9

Baláhén azhdiá dar kanag but, hamá kwahnén már, ke Eblis o Shaytán gwashaga bit o sajjahén donyáyá gomráh kanagá ent. Á gón wati préshtagán zeminá dawr dayag but.