Luká 2:7 - Hodáay Pákén Ketáb Balochi zobáná

⁷ mardénchokkéay sará chellag but ke áiay awali chokk at. Maryamá wati nonnok godéá pétk o káhdánéay tahá wápént, chéá ke pa áyán mehmánjáhá jágah néstat.

Luká 2:7 Iomraidhean Croise

Pédáesh 42:27

Ráhá shapá geptant o yakk jágahéá menzelesh kort. Wahdé cha áyán yakkéá wati góniay dap pach kort ke pa wati hará káh o kadimé bekasshit, disti ke mani nograh góniay dap dapá ér ant.

Pédáesh 43:21

per tarragá má shapá yakk jágahéá dásht. Má wati bár ke bótkant, disten ke cha má harkasay nograh sarjamiá áiay jenday góniay dap dapá ér ant. Nun má é nograh padá áwortagant gón.

Zabur 22:6

Záná, man ensáné naán, kermé án? Mardománi démá sobakk án o kawmay chammá béezzat.

Dargwaz 4:24

Chó but ke ráhá menzeléá Hodáwand gón Mussáyá dochár kapt o lótheti ke Mussáyá bekoshit.

Mattá 1:25

bale tán á wahdá ke chokk pédá nabutagat, gón áiá wapt o wábi nakort o chokkay námi Issá per bast.

Mattá 13:55

É hamá dártráshay chokk naent? Maryam eshiay mát o Ákub, Issop, Shamun o Yahudá eshiay brát naant?

Mattá 8:20

Issáyá gwasht: “Róbáhán hóndh o jágah hast o báli morgán kodóh o kodám, bale maná ke Ensánay Chokk án pa saray ér kanagá hecch jágah nést.”

Luká 10:34

áiay kerrá átk o thappi gón sharáb o thél darmán kort o bastant, wati óláká swár kort, yakk kárwánsaráéá áwort o áiay hayáldárii kort.

Luká 2:6

Hamé wahdá ke á Bayt-Lahemá atant, Maryamay chellag bayagay máh o róch sarjam butant o

Luká 2:8

Hamá hand o damagá, lahtén shepánk hastat ke shapá gyábáná wati ramagesh negahpánia kort.

Yuhanná 1:14

Gál ensán but o may nyámá jágahi kort. Má áiay shán o shawkat dist, hamá shán o shawkat ke Petay yakkén Chokkayg ent, hamá Chokk ke cha rahmat o rástiá sarréch ent.

Pa Galátián Pulosay kágad 4:4

Bale wahd ke átk, Hodáyá wati Chokk dém dát. Chokk ensáné but o cha pédáeshá Sharyatay rahbandáni chérá at,