Luká 2:49 - Hodáay Pákén Ketáb Balochi zobáná

⁴⁹ Issáyá passaw dát: “Shomá chéá mani shóházá butagét? Záná, nazántagó ke man báyad ent wati Petay lógá bebán?”

Luká 2:49 Iomraidhean Croise

Zabur 40:8

Oo mani Hodá! Armánon tai lóth o wáhagay sarjam kanag ent, tai Sharyat mani delá ent.”

Mattá 21:12

Issá mazanén parasteshgáhay péshgáhá shot o ódá sawdáger o grákáni gallénag o dar kanagá goláésh but. Zarr badal kanókén sarrápáni thébali chappi kortant o kapót bahá kanókáni korsi o tahtagi dawr dátant.

Luká 2:48

Wahdé Issop o Maryamá á dist, hayrán butant. Mátá gón áiá gwasht: “Oo mani chokk! Taw chéá gón má chosh kort? Man o tai pet gón parésháni tai shóházá butagén.”

Yuhanná 4:34

Issáyá gwasht: “Mani warák esh ent ke wati dém dayókay wáhagá purah bekanán o áiay kárán sarjam bekanán.

Yuhanná 5:17

Bale Issáyá gón áyán gwasht: “Mani Pet angat kárá ent, man ham kára kanán.”

Yuhanná 5:36

Bale maná cha Yahyáyá masterén sháhed hast. Hamé kár ke Petá mani dastá dátagant ke sarjamesh bekanán o man sarjamesha kanán, hamé kár mani sháhed ant ke maná Petá rawán dátag.

Yuhanná 6:38

Man pa wati jenday wáhagáni sarjam kanagá cha ásmáná ér nayátkagán, átkagán ke wati dém dayókay wáhagán sarjam bekanán.

Yuhanná 8:29

Mani dém dayók gón man gón ent, áiá maná tahná o éwak nakortag, chéá ke man modám hamá kárána kanán ke áiá gal o shádána kanant.”

Yuhanná 9:4

Tánke róch ent, báyad ent má mani dém dayókay kárán sarjam bekanén, shap ke bit gorhá kass kár korta nakant.