Luká 2:3 - Hodáay Pákén Ketáb Balochi zobáná

³ Harkas pa wati námay nebeshtah kanáénagá, wati pet o piroki shahrá shot.

Luká 2:3 Iomraidhean Croise

Pédáesh 23:10

Eprun Hitti hamódá mardománi nyámá neshtagat. Ebráhémay passawi anchosh dát ke áiay shahray darwázagay dapá átkagén sajjahén Hitti beshkonant:

Luká 2:1

Hamá róchán, Rumay bádsháh Kaysar Águstusá jár jat o hokm kort ke Rumay sarjamén molk mardomshomári kanag bebit.

Luká 2:2

É awali mardomshomári at o á wahdá, Kwirinius Suriahay wáli at.

Luká 2:4

Issop ham cha Jalilay shahr Náserahá dar kapt o Yahudiahay shahr Bayt-Lahemá shot. Bayt-Lahem, hamá shahr ent ke bázén wahdé pésará ódá Dáud bádsháh pédá butagat. Issop, béhá cha Dáuday padréchá at, paméshká pa wati námay nebeshtah kanáénagá ódá shot.

Luká 2:5

Issopá, wati deshtár, Maryam ham gón at ke á, pa chokkéá ométwár at.