Luká 2:1 - Hodáay Pákén Ketáb Balochi zobáná

¹ Hamá róchán, Rumay bádsháh Kaysar Águstusá jár jat o hokm kort ke Rumay sarjamén molk mardomshomári kanag bebit.

Luká 2:1 Iomraidhean Croise

Mattá 22:17

Márá begwash, tai hayálá Rumay bádsháh Kaysará song o máliát dayag rawá ent yá na?”

Mattá 24:14

Hodáay bádsháhiay mestágay jár, sajjahén donyáyá janaga bit, tán pa sajjahén kawmán sháhedié bebit, gorhá donyáay halási sara rasit.

Markás 14:9

Shomárá rásténa gwashán, sajjahén donyáyá, har kondhé ke mani wasshén mestág jár janaga bit, é janén o eshiay kár ham yát kanaga bit.”

Markás 16:15

Gón áyán gwashti: “Shomá donyáay sajjahén kawmáni kerrá berawét o wasshén mestágá sar kanét.

Luká 2:3

Harkas pa wati námay nebeshtah kanáénagá, wati pet o piroki shahrá shot.

Luká 2:5

Issopá, wati deshtár, Maryam ham gón at ke á, pa chokkéá ométwár at.

Luká 3:1

Rumay bádsháh, Tiberius Kaysaray bádsháhiay pánzdahomi sál at. Hamá róchán, Pontius Pilátus, Yahudiahay wáli at. Hirudis, Jalilay hákem at. Hirudisay brát Pilipos, Eturiah o Tráhunitisay hákem at o Lisániás, Ábiliniay hákem at.

Kásedáni Kár 11:28

Cha áyán yakkéá, ke námi Ágábus at, cha Hodáay Ruhay elhámá pád átk, péshgói kort o gwashti: “Rumay sarjamén molká mazanén dhokkálé kapit.” É dhokkál, Kaysar Klawdiusay bádsháhiay dawr o bárigá but.

Kásedáni Kár 25:11

Agan man anchén mayáré bekortén ke markay sezáyá hakdár buténán, gorhá markay sezáay saggagá ham tayár butagatán, bale agan mani sará Yahudiáni é bohtám rást naant, hechkas maná pa koshagá áyáni dastá dáta nakant. Maná Kaysaray hakdiwáná bebarét.”

Kásedáni Kár 25:21

Bale Pulosá lóthet hamedá bemánit o Kaysar wat áiay arhá begisshénit. Paméshká man parmán dát, tán wahdé áiá Kaysaray darbárá ráh madayán, hamedá dárag bebit.”

Pulosay kágad pa Rumián 1:8

Har chizzá pésar, cha Issá Masihay ráhá pa shomá sajjahénán wati Hodáay shográ gerán, chéá ke shomay imánay tawár sajjahén donyáyá sheng butag.

Pa Pilipián Pulosay kágad 4:22

Sajjahén palgártagén brát o gohár shomárá saláma kanant, háss Kaysaray lógay mardom.