Luká 18:7 - Hodáay Pákén Ketáb Balochi zobáná

⁷ Nun bárén Hodá gón wati gechén kortagénán, ke shap o róch gón áiá pa wati hakká peryáta kanant, hakka nakant? Pa áyáni hakrasiá déra kant?

Luká 18:7 Iomraidhean Croise

Zabur 88:1

Oo Hodáwand! Oo mani rakkénókén Hodá! Shap o róch tai bárgáhá dwá o peryáta kanán.

Zabur 9:8

Á wat jaháná gón adlá dádrasia kant, kawmáni sará gón ensápá shawra borrit.

Dargwaz 22:23

Agan é kárá bekanay o á mani kerrá peryát bekanant, man allam áyani peryátán gósha dárán.

Mattá 24:22

Agan á sakkiáni róch kamter kanag mabuténant, hecch mardomé narakketagat, bale pa gechén kortagénáni háterá, á róch kamter kanaga bant.

Mattá 24:24

Chéá ke drógén Masih o drógén nabi jáha janant o mazanén nesháni o ajekkái pésha dárant. Wati sajjahén zórá janant ke gechén kortagénán ham gomráh bekanant.

Mattá 7:11

Shomá ke radkár ét, angat wati chokkán sharrén chizzáni dayagá zánét. Gorhá shomay ásmáni Pet chinkadar shartera zánt ke wati lóthókén chokkán wasshén chizz bedant.

Luká 11:13

Nun agan shomá ke radkár ét, angat ham wati chokkán sharrén chizzáni dayagá zánét, gorhá may ásmáni Pet chinkadar shartera zánt ke wati lóthókén chokkán Pákén Ruhá bedant.”

Luká 2:37

bale randá janózám but. Nun áiay omr hashtád o chár sál at o áiá cha mazanén parasteshgáhá dhann, pád éra nakort. Shap o róch, Hodáyá saná o satá kanán, wati wahd pa dwá o róchaga gwázént.

Luká 21:28

Wahdé é jáwara káyant o rasant, gorhá wati sará borz kanét o tachkátachk bóshtét ke shomay rakkénagay wahd nazzikk ent.”

Pulosay kágad pa Rumián 8:33

Hodáay gechén kortagénán kay bohtám jata kant? É Hodá ent ke pák o palgára kant.

Pa Tesálunikián Pulosay awali kágad 3:10

Má shap o róch cha delay johlánkiá dwá kanén ke shomárá padá begendén o har chizzé ke shomay imánay tahá kamm ent, áiá sarjam bekanén.

Pa Tesálunikián Pulosay domi kágad 1:6

Hodá ádel ent, á mardom ke pa shomá janjála sázant, Hodá wat áyáni zendá janjál pédá kant o

Pa Timutáusá Pulosay awali kágad 5:5

Janózámé ke hakk o del hájatmand o békas ent, wati ométá gón Hodáyá bandit o shap o róch dwá kant o cha Hodáyá komakka lóthit.

Pa Timutáusá Pulosay domi kágad 1:3

Man shap o róch ke wati dwáyáni tahá modám tará yáta kanán, Hodáay shográ gerán, hamá Hodá ke man gón pákén zamiréá áiay parastesh o hezmatá kanán, anchó ke mani pet o pirokán kortag.

Pa Timutáusá Pulosay domi kágad 2:10

Gorhá Hodáay gechén kortagénáni háterá man har chizza saggán ke áyán ham neját berasit. É neját o eshiay abadmánén shán o shawkat Issá Masihay sará imán áragay barkatá rasit.

Pa Titusá Pulosay kágad 1:1

Cha Pulosay némagá, mane Pulos ke Hodáay hezmatkár o Issá Masihay kásedé án ke Hodáay gechén kortagénáni imáná mohrter bekanán o áyáni rástiay zántá démá bebarán, hamá rásti ke dém pa Hodátorsiá rahshóna bit.

Petrosay Awal Kágad 1:1

Cha Issá Masihay kásed Petrosay némagá, pa hamá sajjahén darándhéhén mardomán ke Pontus, Galátiah, Kápádukiah, Ásiá o Bitiniahay damagán sheng o sháng ant. Hodáyá cha wati péshzánti o gón wati palgár kanókén Pákén Ruhá, shomárá gechén kortag tán Issá Masihay parmánbardáriá bekanét o hamáiay hón shomay sará páshag o dranzag bebit. Hodáay rahmat o sohl o ásudagi shomay sará gésh o géshter bát.

Petrosay Domi Kágad 3:9

Lahtén mardom gomána kant o gwashit ke Hodáwandá wati per tarrag o áyagay kawl o wádah mahtal dáshtag, bale chosh naent. Rástén habar esh ent ke Hodáwand gón shomá sabr o ópára kant, wahd o móha dant ke gonahkár tawbah bekanant, chéá ke nalóthit kassé gár o bégwáh bebit.

Elhám 18:20

Áiay sará shádehi kanét, oo ásmánán! Shádehi kanét, oo Hodáay palgártagén mardomán, oo kásed o paygambarán! Chéá ke Hodáyá eshiay dádrasi hamá paymá kortag ke eshiá gón shomá kortag.

Elhám 6:10

Zár zárá gréwag o gwashagá atant: “Oo pák o rástén Hodáwand! Tán kadén dádrasia nakanay o may hónay bérá cha zeminay sará neshtagénána nageray?”

Elhám 7:15

Hamé sawabá, é Hodáay tahtay démá ant o shap o róch, áiay parasteshgáhá, áiay hezmatá kanant o hamá ke tahtay sará neshtag eshán sáhéla kant.