Luká 18:43 - Hodáay Pákén Ketáb Balochi zobáná

⁴³ Hamá damáná kór biná but, Hodáyá sepat o saná kanán, Issáay hamráhiá rahádag but. Mardomán ke chosh dist, áyán ham Hodáay shogr gept.

Luká 18:43 Iomraidhean Croise

Zabur 107:15

Hodáwanday shográ begerátant, áiay mehr o pa baniádamá áiay bákamálén káráni sawabá

Zabur 107:8

Hodáwanday shográ begerátant, áiay mehr o pa baniádamá áiay bákamálén káráni sawabá.

Zabur 146:8

Hodáwand kóráni chammán pacha kant, Hodáwand hamáyán chesta kant ke lagatmál ant, Hodáwand pahrézkárán dósta dárit,

Zabur 30:2

Oo Hodáwand, mani Hodá! Tai gwará pa komaká peryáton kort o taw maná cha nájórhiá dráh kort,

Mattá 11:5

kór gendag o maym kanagá ant, lang tarrag o ráh rawagá ant, garri pák o palgár bayagá ant, karr eshkonagá ant, mordag zendag bayagá ant o bazzag o nézgárán wasshén mestág sar bayagá ent.

Mattá 21:14

Mazanén parasteshgáhay péshgáhá, bázén kór o lang Issáay kerrá átkant o áiá dráh kortant.

Mattá 9:8

Wahdé mardomán é kár dist, torsetesh o Hodáesh satá kort o sárhát ke mardomi inchok wák o ehtiár dátagant.

Luká 13:17

Wahdé Issáyá chosh gwasht, áiay sajjahén badwáh pashal o sharmendag butant. Bale é dega sajjahén mardom cha Issáay é mójezah o ajabén kárán báz washdel o shádán butant.

Luká 19:37

Wahdé Issá Zaytunay kóhay érkapay nazzikká raset, áiay moridáni mocchiá pa é sajjahén ajekkái o mójezahán ke áyán distagatant, pa gal o shádehi o gón borzén tawáré, Hodá satá kort o gwasht:

Luká 4:39

Issá shot, áiay kashá óshtát o tapi hakkal dát. Hamá damáná tapi sest o pa áyáni hezmat kanagá pád átk.

Luká 5:26

Cha é káray gendagá, óday neshtagén mardom hayrán o habakkah butant, Hodáesh satá kort o sárhát o pa torsé gwashtesh: “Maróchi má chónén bah mánagén kár distag!”

Luká 9:43

Sajjahén mardom cha Hodáay mazaniá hayrán but o bah mantant. Wahdé sajjahén mardom cha Issáay mójezah o ajabén kárán hayrán atant, gón wati moridán gwashti:

Kásedáni Kár 11:18

É habaráni eshkonagá rand, á bétawár butant, Hodáesh satá o saná kort o gwashtesh: “Rást ent ke Hodáyá darkawm ham, pashómániay móh dátagant ke cha wati gonáhán tawbah bekanant o abadmánén zendá berasant.”

Kásedáni Kár 26:18

Tará paméshká áyáni kerrá ráha dayán, tán chammánesh pach bekanay. Á cha taháriá rozhnáiay némagá byáyant o cha Shaytánay porzórén dastá dém pa Hodáay ráhá betarrant, tán gonáhesh pahell kanag bebant o gón hamá mardomán sharikdár bebant ke cha mani saray báwarmandiá pák o palgár butagant.’

Kásedáni Kár 4:21

Gorhá cha géshterén torsénag o pádtráp. dayagá rand, áesh yalah dátant. Pa áyáni sezá dayagá sharrén ráhé nadistesh, chéá ke gón é ajabbatén káray gendagá sajjahén mardomán Hodá satá kort o sárhát.

Pa Galátián Pulosay kágad 1:24

Gorhá é mardomán mani sawabá Hodáay satá o saná kort.

Petrosay Awal Kágad 2:9

Bale shomá Hodáay gechén kortagén bádsháhén ruhánién péshwá o pákén kawm ét, Hodáay jenday kawm ét o áiá shomárá cha taháriá dém pa wati porshawkatén rozhnáiá gwánk jatag tán áiay mazanén kárán jár bejanét.