Luká 13:27 - Hodáay Pákén Ketáb Balochi zobáná

²⁷ Bale á passawa dant: ‘Man shomárá pajjáha nayárán o nazánán cha kojá ét? Oo radkárán! Cha mani démá dur bét.’

Luká 13:27 Iomraidhean Croise

Zabur 1:6

Ke Hodáwand pahrézkáráni ráhay negahpán ent, bale badkáráni ráh tabáhi o bégwáhi ent.

Zabur 101:8

Har sohbá molkay sajjahén badkárán tabáha kanán, radkárán cha Hodáwanday shahrá gár o gomsára kanán.

Zabur 119:115

Cha man dur bebét, oo badkárán, ke man wati Hodáay hokmáni randgiriá bekanán.

Zabur 125:5

Bale hamá mardom ke chapp o chóthén ráhána rawant, Hodáwand áyán gón badkárán yakjáha gallénit. Esráil émen o salámat bát.

Zabur 28:3

Maná badkáráni hamráhiá gerrán makan o makassh, hamá ke radén kára kanant o gón hamsáhegán cha sohl o saláhá habará ant, bale delesh cha sherr o shórá porr ent.

Zabur 5:6

Drógbandán bégwáha kanay, Hodáwand cha hónig o préb‌kárán naprata kant.

Zabur 6:8

Oo sajjahén badkárán! Cha man dur bét, chiá ke Hodáwandá mani gréwagáni tawár eshkotagant.

Mattá 25:12

Bale sálónká passaw tarrént: ‘Shomárá rásténa gwashán ke man shomárá nazánán.’

Mattá 25:41

Randá gón hamáyán ke chappén némagá ant, gwashit: ‘Oo shummán! Cha mani démá dur bét o hamá jamburén ásay némagá berawét ke hechbara namerit o pa Shaytán o áiay hamráhán addh kanag butag.

Luká 13:25

Wahdé kayt ke lógay hodábond páda kayt o lógay darwázagá banda kant, gorhá shomá lógay dapá óshtét o harchont darwázagá thokkét o tawára kanét: ‘Oo wájah! Darwázagá pa má pach kan!’, bale á passawa dant ke ‘man shomárá pajjáha nayárán o nazánán cha kojá ét.’

Pa Galátián Pulosay kágad 4:9

Bale nun ke shomá Hodáyá zánét, yá rástterén gapp esh ent ke Hodá shomárá zánt, gorhá chón nezór o békárén ráh o rahbandáni némagá pera tarrét? Yakk randé padá hamesháni golám bayaga lóthét?

Pa Timutáusá Pulosay domi kágad 2:19

Bale padá ham Hodáay sará báwarmand mohra óshtant, lógéay mohkamén bonyáday paymá. Hodáyá wati báwarmandáni sará é habar naksh kortag o mohr jatagant: “Hodáwand wati mardomán pajjáha kárit” o “Harkas ke Hodáwanday námá gipt, báyad ent watá cha badkáriá dur bedárit.”