Luká 12:5 - Hodáay Pákén Ketáb Balochi zobáná

⁵ Man shomárá kaddhana kanán o gwashán ke cha kayá betorsét. Cha hamáiá betorsét ke koshta kant o koshagá rand dózahá dawr dayagay wáki ham hast. Haw! Man shomárá gwashán ke cha hamáiá betorsét.

Luká 12:5 Iomraidhean Croise

Zabur 9:17

Badkár mordagáni jaháná pera tarrant, á sajjahén kawm ke Hodáyá shamóshant.

Mattá 10:28

Cha áyán matorsét ke jesm o jáná koshta kanant, bale sáh o arwáhá koshta nakanant, cha hamáiá betorsét ke jesm o ján o sáh o arwáh, doénán dózhá dawr dát o bérán korta kant.

Mattá 25:41

Randá gón hamáyán ke chappén némagá ant, gwashit: ‘Oo shummán! Cha mani démá dur bét o hamá jamburén ásay némagá berawét ke hechbara namerit o pa Shaytán o áiay hamráhán addh kanag butag.

Mattá 25:46

Paméshká é mardom dém pa abadmánén sezáyá rawant, bale pahrézkárén mardomán namiránén zenda rasit.”

Mattá 5:22

Bale man shomárá gwashán, harkas wati brátay sará zahra gipt, á ham hakdiwánay démá mayárig kanaga bit. Kasé ke wati brátá záh o zakat bekant, hakdiwáná mayárig kanaga bit, kasé ke wati brátá ‘hórh’ o ‘ahmaka’ gwashit, dózahay ásay sezáwára bit.

Markás 13:23

Nun sharr hósh o sár kanét, chéá ke é sajjahén jáwaráni bayagá pésar man shomárá hál dátag.

Pa Tesálunikián Pulosay awali kágad 4:6

Kass pa wati hawasá brátay ezzatá dast majant o cha áiá páedag chest makant, chéá ke Hodáwand har gandagén káray sezáyá dant, anchó ke má pésará shomárá hozzhár kortag o gwashtag.

Petrosay Domi Kágad 2:4

Hodá tantaná cha hamá préshtagán sar nagwast ke gonáhesh kort. Dózahay tahárterén tahárókiá band o zamzili kortant tán dádrasiay róch berasit.

Elhám 14:7

Gón borzén tawáréá gwashti: “Hodáay bimmá delá bedárét o áiá shán o shawkat bedayét chéá ke áiay dádrasiay sáhat átkag o rasetag. Hamáiá parastesh bekanét ke ásmán o zemin, daryá o ápi chammagi jórh kortagant.”

Elhám 15:4

Kay ent ke cha taw natorsit, oo Hodáwand! Kay ent ke tai námá shawkata nadant? Chéá ke tahná taw pák ay. Sajjahén kawma káyant o tai bárgáhá tará parastesha kanant, chéá ke tai ádelén kár záher butagant.”

Elhám 20:14

Mark o mordagáni jahán, ásay gwarmá dawr dayag butant. É ásay gwarm, domi mark ent.