Luká 11:4 - Hodáay Pákén Ketáb Balochi zobáná

⁴ May gonáh o radián bebaksh, anchosh ke má wati sajjahén daynkárána bakshén. Márá ázmáesh o chakkásá dawr maday.’”

Luká 11:4 Iomraidhean Croise

Pédáesh 48:16

hamá préshtag ke maná cha har táwáná rakkéntagi, é chokkán barkat bedayát. É mani námay sará o mani pet o pirokay námay sará bezán Ebráhém o Esákay námá zánag bátant o zeminay sará sakk báz bátant.”

Zabur 121:7

Hodáwand tará cha har badiá dura dárit, tai zenday negahpán ent,

Zabur 25:11

Oo Hodáwand! Pa wati námaygi mani gonáh o mayárán bebaksh, chiá ke mazan ant.

Zabur 25:18

Mani ranj o sakkián bechár o sajjahén gonáhánon bebaksh.

Dányál 9:19

Oo Hodáwand! Gósh dár. Oo Hodáwand! Pahell kan. Oo Hodáwand! Delgósh kan o komakk kan. Oo mani Hodá! Pa watigi bechár, dér makan chéá ke tai shahr o kawm gón tai námá tawár kanaga bant.”

Mattá 18:35

Nun agan shomá wati brátá pa del mabakshét, mani ásmáni pet ham gón shomá hamé dhawlá kant.”

Mattá 26:41

Hozzhár bét o dwá kanét tánke ázmáesh o chakkásá makapét. Ruh, tayár o morádig ent, bale jesm nezór o nátwán.”

Luká 11:5

Gorhá Issáyá gwasht: “Cha shomá yakké, agan shapnémá wati sangatay lógá berawt o begwashit: ‘Oo brát! Maná say nán pa badal beday,

Luká 13:4

Gomána kanét hamá hazhdahén mardom ke Siluháay borj áyáni sará kapt o mortant, cha Urshalimay á dega sajjahén mardomán radkárter atant?

Luká 22:46

Gwashti: “Pa ché waptagét? Pád áét, dwá kanét ke chakkásá makapét.”

Luká 8:13

Dhal o dhókén zeminay retkagén tohmáni máná, hamá mardom ant ke Hodáay habarána eshkonant o pa gal o wasshia mannant, bale Hodáay habar, áyáni delá risshag o wandhála najanant, tán kammoké wahdá rand, áyáni báwar kamma bit o ázmáesh o chakkásay wahdá poshtá kenzant o cha ráhá thagalant.

Yuhanná 17:15

É dwáyá nakanán ke eshán cha donyáyá bebar, dwá kanán ke eshán cha sherr o Shaytáná dur bedár.

Pa Tesálunikián Pulosay domi kágad 3:3

Bale Hodáwand wati kawlay sará óshtátag o shomárá mohr o mohkama kant o cha sherr o Shaytáná dura dárit.

Pa Timutáusá Pulosay domi kágad 4:18

Hodáwand maná cha har paymén sherr o badá rakkénit o maná pa salámati wati ásmáni bádsháhiá sara kant. Áiay shán o shawkat barjáh bát, abad tán abad. Anchosh bát. Ámin.

Ákub 2:13

Chéá ke á mardom ke mehr o rahma nakanant, áyáni dádrasi pa bérahmia bit. Bale mehr o rahm, dádrasiay sará báládast o sóbéna bit.

Elhám 2:10

Cha áyókén ázárán mators. Bechár, Shaytán cha shomá lahténá pa shomay chakkásagá zendáná kant o taw tán dah róchá ázár dayaga bay. Tán markay sáhatá wapádár bay o man tará zenday tájá dayán.

Elhám 3:10

Taw mani hokm mannetag o sabr o ópár kortag, paméshká man ham tará cha dádrasiay sáhatá rakkénán ke pa zeminay sará neshtagénáni chakkásagá sajjahén donyáyá áyagi ent.