Luká 11:2 - Hodáay Pákén Ketáb Balochi zobáná

² Issáyá gwasht: “Harwahd dwá kanét, é dhawlá begwashét: ‘Oo Pet! Tai nám sharapdár bát. Tai bádsháhi byáyát.

Luká 11:2 Iomraidhean Croise

Zabur 103:20

Oo Hodáwanday préshtagán! Shomá, oo zóráwarán ke áiay habarán barjáha dárét o áiay parmánbardáriá kanét! Hodáwandá benázénét.

Zabur 108:5

Oo Hodá! Ásmánáni sarborá tai mazansháni názénag bát o sajjahén zeminá tai shán o shawkat sar bát.

Zabur 11:4

Hodáwand wati pákén parasteshgáhá ent, Hodáwanday taht ásmáná ent. Chammi gendagá ant, didagi ensánay chokkána ázmáit.

Zabur 57:11

Oo Hodá! Ásmánáni sará bátay, tai shawkat sajjahén zeminá sheng bát.

Dányál 2:28

bale ásmáná Hodáé hast ke rázán paddara kant o hamáiá pa tawe bádsháh Nebukadnezará záher kortag ke áyókén róchán ché bit. É tai wáb ent o hamá shobén ant ke wahdé taw wati nepáday sará tachk atay, tai saray tahá chakarragá atant.

Dányál 2:44

Á bádsháháni wahdá, ásmáni Hodá dega bádsháhié addha kant ke hechbar tabáha nabit o dega kawméay dastá ham dayaga nabit. É bádsháhi, á dega sajjahén bádsháhiána próshit o halása kant, bale wat tán abad barjama mánit.

Dányál 7:18

Bale bádsháhi, borzén arshay Hodáay pákén mardomán dayaga bit o abad tán abad hamáyáni melkata bit.

Dányál 7:27

Padá bádsháhi, hákemi o ásmánay chéray sajjahén bádsháhiáni shawkat o mazani, borzén arshay Hodáay pákén mardomán dayaga bit. Hodáay bádsháhi abadi bádsháhié bit o sajjahén bádsháhi o molk, Hodáay hezmat o parmánbardáriá kanant.’

Mattá 10:32

Harkas mardománi démá maná bemannit, man ham wati ásmáni Petay démá áiá mannán,

Mattá 3:2

“Cha wati gonáhán pashómán bebét o tawbah bekanét, chéá ke ásmáni bádsháhi nazzikk ent.”

Mattá 5:16

Hamé dhawlá shomay rozhn, mardománi démá shahm bedant tán shomay nékén kárán begendant o shomay ásmáni Petá satá bedayant o besárháyant.

Luká 11:1

Yakk baré Issá jágahé dwá kanagá at, wahdé dwái hallént, cha áiay moridán yakkéá gwasht: “Oo Hodáwand! Anchosh ke Yahyáyá wati morid dwá kanag sój dátagant hamé paymá taw ham márá dwá kanag sój beday.”

Pulosay kágad pa Rumián 1:7

Pa Rumay hamá sajjahén mardomán ke Hodáyá dóst ant o gwánk janag butagant ke pák o palgár bebant. Cha may Hodáén Pet o Hodáwandén Issá Masihá pa shomá rahmat o émeni sar bát.

Pulosay kágad pa Rumián 8:15

Shomárá golámi ruhé narasetag ke padá betorsét, shomá pa chokki zurag butagét o Hodái Ruh shomárá rasetag. Cha hamé Ruhá kukkára kanén “Abbá, oo Pet!”

Pa Galátián Pulosay kágad 1:4

Issá Masihá watá pa may gonáháni dur kanagá nadr kort ke may Hodáén Petay wáhagay barkatá márá cha annugén harábén zamánagá berakkénit.

Pa Pilipián Pulosay kágad 1:2

Shomárá cha may Hodáén Pet o Hodáwandén Issá Masihay némagá rahmat o émeni sar bát.

Pa Pilipián Pulosay kágad 4:20

May Hodáén Petá abad tán abad shán o shawkat berasát. Anchosh bát. Ámin.

Pa Tesálunikián Pulosay awali kágad 1:1

Cha Pulos o Silwánus o Timutáusay némagá, pa Tesálunikiáni kelisáyá ke Hodáén Pet o Hodáwandén Issá Masihayg ent. Rahmat o émeni shomárá sar bát.

Pa Tesálunikián Pulosay awali kágad 1:3

Má wati Hodáén Petay démá modám shomay báwarmandi kárán o pormehrén zahmatán o sagg o bardáshtá yáta kanén ke áyáni sarchammag hamá omét ent ke shomárá may Hodáwandén Issá Masihay sará hastent.

Pa Tesálunikián Pulosay domi kágad 2:16

May Hodáwandén Issá Masihay jend o may Hodáén Pet ke márá dósta dárit o wati rahmatay barkatá márá abadi delbaddhi o sharrén ométi dátag,

Elhám 11:15

Haptomi préshtagá wati karná jat. Ásmáná borzén tawár atant ke gwashagá atant: “Donyáay bádsháhi may Hodáwand o áiay Masihay bádsháhi jórh butag o á abad tán abad bádsháhia kant.”

Elhám 15:4

Kay ent ke cha taw natorsit, oo Hodáwand! Kay ent ke tai námá shawkata nadant? Chéá ke tahná taw pák ay. Sajjahén kawma káyant o tai bárgáhá tará parastesha kanant, chéá ke tai ádelén kár záher butagant.”

Elhám 19:6

Padá man anchén tawár eshkot ke chó mazanén mocchi o bázén áp o trondén grandáni tawárá atant ke gwashtesh: “Hodáwandá benázénét, Halléluyá. Chéá ke may porwákén Hodáwandén Hodá hokmránia kant.

Elhám 20:4

Randá man taht dist o á ke tahtáni sará neshtagatant, áyán dádrasiay ehtiár dayag but. O man hamáyáni arwáh distant ke áyáni sar pa Issáay bárawá sháhedi dayag o Hodáay habaray sawabá borrag butagatant, hamáyáni ke rastar o áiay botesh sojdah nakortagat o wati péshánig yá dastay sará áiay neshánesh nazortagat. Á padá zendag butant o hazár sálá gón Masihá hokmrániesh kort.