Luká 1:76 - Hodáay Pákén Ketáb Balochi zobáná

⁷⁶ Taw, oo mani chokk! Borzén arshay Hodáay nabi zánaga bay, chéá ke taw cha Hodáwanday áyagá pésar, áiay ráh o keshká tachk o tayára kanay.

Luká 1:76 Iomraidhean Croise

Zabur 87:5

Sahyunay bárawá gwashaga bit: “É mardom o á mardom hamódá pédá butagant, borzén arshay Hodá wat Urshalimá pádára kant.”

Mattá 14:5

Hirudisá pa Yahyáay kóshárénagá shawr kortagat bale torseti, chéá ke mardománi báwar at Yahyá paygambaré.

Mattá 21:26

Agan begwashén ke cha ensánay némagá butag, gorhá márá cha mardomána torsit chéá ke sajjahén mardomán mannetag ke Yahyá nabié.”

Mattá 3:11

Man pa shomay gonáháni pashómániá, shomárá gón ápá pákshódia dayán, bale hamá ke cha man o rand áyagi ent, cha man zórmandter ent o man áiay kawsháni dast geragay láhek ham naán. Á shomárá gón Pákén Ruh o ásá pákshódia dant.

Mattá 3:3

Yahyá hamá ent ke Eshayá nabi áiay bárawá gwashit: Gyábáná, kasé gwánka jant: Hodáwanday ráhá tayár o, áiay keshká rást o tachk bekanét.

Markás 11:32

Agan begwashén cha ensánay némagá at...?” É habaresh démá nabort chéá ke áyán cha mardomán torset, pa é háterá ke mardom Yahyáyá barhakkén nabié hesáb kanagá atant.

Luká 1:32

Á, mazanén mardomé bit o borzén arshay Hodáay Chokk zánaga bit o Hodáwandén Hodá, áiay pet o piroki, bezán Dáuday bádsháhiay tahtá áiá bakshit.

Luká 1:35

Préshtagá passaw dát: “Hodáay Pákén Ruh tai sará éra kayt o borzén arshay Hodáay zór o kodrat tai sará sáhéla bit. Paméshká á, pák o Hodáay Chokk zánaga bit.

Luká 6:35

Bale shomá gón wati dozhmenán ham mehrabán bebét, gón áyán néki bekanét, wámesh bedayét o padá malóthét. É dhawlá, shomárá cha Hodáay némagá, mazanén mozzé rasit o shomá mazanshánén Hodáay Chokka bét, chéá ke á, gón náshogr o badkárén mardomán ham mehrabán ent.

Yuhanná 1:23

Áiá cha Eshayá nabiay kawlá gwasht: “Man hamáiay tawár án ke gyábáná kukkára kant o gwashit, pa Hodáwandá ráhá tachk o hamwár kanét.”

Yuhanná 1:27

Á cha man o randa kayt o man áiay kawshbandáni bójagay láhek ham naán.”

Yuhanná 3:28

Shomá wat sháhed ét, man gwasht ke man Masih naán, bale cha áiá pésar rawán dayag butagán.

Kásedáni Kár 16:17

Á, Pulos o may randá átk o pa kukkár gwashagá at ke “É mardom, borzén arshay Hodáay hezmatkár ant o shomárá rakkénagay yakk ráhé sója dayant.”