Luká 1:51 - Hodáay Pákén Ketáb Balochi zobáná

⁵¹ Áiá gón wati porzórén báská, mazanén kár o kerd pésh dáshtag o hamá ke wati delá bázén pahresh bastag, áiá sheng o sháng kortagant.

Luká 1:51 Iomraidhean Croise

Pédáesh 11:8

Hodáwandá, é mardom cha ódá sajjahén zeminay sará sheng o sháng kortant o eshán shahray addh kanagay kár band kort.

Pédáesh 6:5

Hodáwandá dist ke ensánay radkári zeminay sará sakk báz ant o sajjahén del o hayálesh modám gón badiá ent o bass.

Pédáesh 8:21

Esháni wasshén bó ke Hodáwanday kerrá sar but, wati delá gwashti: “Man cha ed o rand hechbar zeminá ensánay sawabá nálata nakanán, bell toré cha kasániá áiay delay wáhag bad ant. Cha ed o dém hechbar sajjahén sahdárán é paymá hórigá gár o gomsára nakanán ke annun kortagon.

Zabur 118:15

Pahrézkáráni tambuáni tahá sóbén bayag o shádmániay kukkár ent: “Hodáwanday rástén dastá mazanén káré kortag.

Zabur 33:10

Hodáwand, kawmáni shawrbandián pacha réchit o rájáni kársáziána karójit.

Zabur 52:9

Pa tai kortagén kárán modám tai shográ gerán o Hodádóstáni démá pa tai námá ométwár án, chiá ke tai nám nék ent.

Zabur 63:5

Arwáhon anchosh séra bit chó ke yakké wasshén waráké bwárt o dapon gón shádmánén lonthán tará názénit.

Zabur 89:10

Taw Raháb, láshéay paymá drosht o gón wati zórmandén báská wati dozhmen sheng o sháng kortant.

Zabur 89:13

Tai básk zórmand ent, tai dast zóráwar ent, tai rástén dast porwák o sóbén ent.

Zabur 98:1

Pa Hodáwandá nókén sawté bejanét, ke ajabén kári kortag, áiay rástén dast o pákén báská sób o pérózi katthetag.

Dargwaz 18:11

Nun mana zánán ke Hodáwand cha á dega sajjahén Hodáyán master ent. Chéá ke wati mahluki cha gorunákén Mesriáni zolm o zórákián rakként.”

Dányál 4:37

Nun mane Nebukadnezar ásmánáni bádsháhá satá kanán, sárháyán o sharapa dayán chéá ke áiay sajjahén kár rást ant o áiay ráh pa ensáp. Á, gorunákáni gardená jahl korta kant.”

Pulosay kágad pa Rumián 1:21

Harchont ke Hodáesha zánt, bale Hodái ezzatesha nadát o shogresha nagept. Eshiay badalá, wati náhudagén pegr o hayáláni tahá gomráh butant o áyáni násarpadén del taháriá póshet.

Petrosay Awal Kágad 5:5

Oo warnáyán! Anchosh shomá ham wati masterénáni parmánbardáriá bekanét o gón yakdomiá békebr o darbésh bebét, chéá ke: “Hodá porkebr o gorunákén mardománi helápá mohra óshtit, bale békebr o darbéshén mardománi sará wati rahmatána gwárénit.”

Elhám 18:8

Esháni sawabá yakk róchéay tahá áiay azáb, bezán mark, pors o dhokkála káyant o á gón ásá sóchaga bit, chéá ke Hodáwandén Hodá porwák ent o áiay dádrasiá kant.”